Усяго патроху3131

«У мяне на працы зніклі ўсе «ящики», засталіся толькі шуфлядкі». Дзяўчына з Віцебска падзялілася, як масквічы яе не разумеюць

Беларуска з Віцебска пераехала жыць і працаваць у Маскву і цяпер дзеліцца ўражаннямі ў тыктоку. Адкрыццём для дзяўчыны стала тое, што расіяне не заўсёды разумеюць яе.

Скрыншот відэа ў тыктоку

Блогерка працуе ў сферы стаматалогіі і займаецца тым, што мадэлюе ў спецыяльных праграмах зубныя пратэзы, каронкі. Цяпер яна жартаўліва скардзіцца, што пасля эміграцыі людзі перасталі яе разумець.

— Калі я прашу дастаць мне нешта з шуфлядкі, людзі губляюцца. Яны не разумеюць, што такое шуфлядка. А гэта «ящик». І цяпер у мяне на працы зніклі ўсе «ящики», засталіся толькі шуфлядкі. Бо ўсім вельмі спадабалася гэта слова.

Непаразуменні ўзнікалі і са словам гольфік.

— Яны не разумеюць фразу «Калі мне холадна, я апранаю гольфік». «У сэнсе гольфік? Адну доўгую шкарпэтку?». А гольфік — гэта вадалазка.

Не абышлося і без бурака — загадкавага для расіян інгрэдыенту баршчу. Саму блогерку здзівіла тое, наколькі па-рознаму беларусы і расіяне вымаўляюць адныя і тыя ж словы.

Менш чым за суткі відэа набрала 185 тысяч праглядаў і каля 17 тысяч лайкаў.

Каментатары асветніцкую дзейнасць віцяблянкі ўхваляюць: «Малайчынка, укараняй там нашы шуфлядкі, кветкі, цукеркі». Сярод слоў, якім прапануюць дзяўчыне вучыць калег, апынуліся таксама буська, ссабойка і байка.

Для кагосьці стала адкрыццём, што на рускай бурак называецца інакш. Але былі і сумныя каментарыі: «А мяне і ў Беларусі не разумеюць. Я ў школе сказала нешта кшталту «Нецікава, не буду», і ўсе адразу «што ты сказала?», «што за нецікава?».

Каментары31

  • Лявон
    17.10.2024
    I - iнтяллект!
  • ><
    17.10.2024
    А яшчэ лепш туды ўвогуле не ездзіць.
  • Anatol Starkou
    17.10.2024
    У першую поездку ў Нью Ёрк у лістападзе 2002 я на Манхэтане спытаў у аднагодкі: “Як прайсці да Пяць авеню?” Ён задумаўся на хвіліну і… пайшоў лесам, не сказаўшы ні слова. Толькі калі паразмаўляў з дачкой, я зразумеў, што трэба было спытаць Пятае авеню.

    Затое амерыканцы 22 год завуць мяне Anatol = Анатол без мяхкага знаку, які ніяк не пазначаны ў маіх дакумантах. Дый не выгаварваюць яны Анатоль.
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Усе навіны →
Усе навіны

Трамп: Я арганізаваў мірную дамову паміж Конга і Руандай. Але Нобеля мне за гэта не дадуць8

Мінгандлю абурылася завышэннем у 8 разоў цаны на чырвона-зялёныя сцяжкі5

У Іране адбыўся землятрус магнітудай 5,2. Адразу пайшлі чуткі2

«Доўгая дарога па ўсім свеце». Беларуска з адным заплечнікам аб'ездзіла 40 краін2

Будучыня Ірана: тры сцэнары пасля магчымага краху рэжыму мулаў4

Беларускі дальнабойшчык замовіў намаляваць герб родных Баранавіч перад Кёльнскім саборам17

Саша Філіпенка: Расійскае грамадства абасралася на апераджэнне37

Ці мае права забіраць малога з дзіцячага садка старэйшы брат?2

У адным з магілёўскіх інтэрнатаў пасяліліся чырванакніжныя птушкі

больш чытаных навін
больш лайканых навін

Сяргей Ціханоўскі выйшаў на волю88

Сяргей Ціханоўскі выйшаў на волю

Галоўнае
Усе навіны →

Заўвага:

 

 

 

 

Закрыць Паведаміць