Свет1414

Імаверны прэм'ер Літвы: Штучныя абмежаванні для беларусаў нелагічныя. Беларусы дапамагаюць эканоміцы Літвы

Кандыдат на пасаду кіраўніка літоўскага ўраду Гінтаўтас Палуцкас лічыць, што беларусы ў Літве не робяць нічога дрэннага, а наадварот — дапамагаюць краіне расці, піша «Радыё Свабода». 

Гінтаўтас Палуцкас. Фота: Augustas Didžgalvis/Wikimedia Commons

Гінтаўтас Палуцкас з'яўляецца кандыдатам на пасаду прэм'ера ад Сацыял-дэмакратычнай партыі, якая атрымала перамогу на нядаўніх парламенцкіх выбарах.

Палітык адказаў на пытанне «Настоящего времени», што ён думае аб прапановах узмацніць жорсткасьць правілаў знаходжаньня і натуралізацыі для выхадцаў зь Беларусі ў Літве.

«Я нагадаю, што беларусаў мы як дзяржава запрасілі самі. Запрасілі, імкнучыся стварыць для іх дэмакратычныя і бяспечныя ўмовы для жыцця, працы і адкрыцця бізнесу, пасля таго, як спадар Лукашэнка чарговы раз — у двукоссях — «перамог» на выбарах у Беларусі. Казаць, што беларусы, якія прыехалі сюды, робяць нешта дрэннае, у мяне асабіста язык не павернецца. Тым больш што яны сапраўды робяць свой унёсак у нашу эканоміку і з’яўляюцца ўдзельнікамі рынку працы».

Паводле Палуцкаса, ніхто з беларусаў не стаіць на біржы працы з працягнутай рукой, просячы сацыяльнай дапамогі. Беларусы, на яго думку, дапамагаюць эканоміцы Літвы расці.

«Што да розных выклікаў у галіне бяспекі, без сумневу, мы разумеем, што розныя выведныя службы дзейнічаюць — тыя ці іншыя працэсы адбываюцца па ўсім свеце, у тым ліку і ў Літве. Нам трэба аналізаваць, ацэньваць і назіраць за пэўнымі рэчамі, якія знаходзяцца ў плоскасці нацыянальнай бяспекі.

Аднак штучныя абмежаванні, накшталт забаронаў вяртацца на радзіму ці бачыцца са сваякамі, няўстойлівыя і нелягічныя», — заявіў Палуцкас.

Ён дадаў, што супрацоўнікі беларускай выведкі, якія жадаюць уплываць на дыяспару і тых беларусаў, якія пераехалі ў Літву, могуць рабіць гэта і проста ў Літве, а не толькі на тэрыторыі Беларусі.

«Задача літоўскага Дэпартамента дзяржбяспекі палягае ў тым, каб гэтага не было. А штучныя абмежаванні не працуюць. Мы бачым прыклад Польшчы, дзе падобных абмежаванняў няма, і, зыходзячы з гэтага, мяркуем, што такую палітыку маглі б праводзіць і ў Літве», — заявіў Гінтаўтас Палуцкас.

Гінтаўтас Палуцкас — віцэ-старшыня Сацыял-дэмакратычнай партыі Літвы. Дэпутат Сейма. Нарадзіўся ў 1979 годзе ў горадзе Панявежыс. Па спецыяльнасці — матэматык-інфарматык. Таксама вывучаў права ў Віленскім універсітэце. Займаў пасаду кіраўніка гарадской адміністрацыі Вільні (2007—2009) і віцэ-мэра літоўскай сталіцы (2015—2019).

Каментары14

  • Як так?
    08.11.2024
    А літвінізм ? А пасягальніцтвы на першароднасьць ? :))

    Калі бяз жартаў, дык вельмі прыемна запэўніцца, што ў Ліетуве здаровы сэнс не госьць і не транзытны пасажыр.
  • %
    08.11.2024
    Ды няўжо ж!!!???? Не прызначаць яго прэм'ерам )
  • Gorliwy Litwin
    08.11.2024
    Адэкватны чалавек. Колькасць расійскіх шпіёнаў і агентаў уплыву сярод беларусаў у Літве гэта дзясяткі, Максімум пару соцень чалавек сярод некалькіх дзясяткаў тысяч. Так што службам бяспекі трэба дакладна фільтраваць тых нешматлікіх. І як мага больш бясплатных курсаў па літоўскай мове і гісторыі Літвы для ўсіх астатніх

Цяпер чытаюць

Спявачку Мэрыем Герасіменка на працягу двух гадоў збіваў муж43

Спявачку Мэрыем Герасіменка на працягу двух гадоў збіваў муж

Усе навіны →
Усе навіны

«Кава стане раскошай». Беларусы шакаваныя цэнамі ў крамах16

«Апантанасці геапалітыкай, як у Расіі, у нас сёння няма». Гісторык паразважаў, ці перажывуць беларусы «русский мир»16

Рубіа патлумачыў заяву Трампа пра зброю для Украіны за кошт НАТА

«Горад працоўнай славы 1941—1945». У Баранавічах адкрылі манумент з дзіўнай назвай9

У Беларусі і Расіі распрацуюць штучны інтэлект з традыцыйнымі каштоўнасцямі4

Асудзілі за «садзеянне экстрэмізму» былога дырэктара школы

Вучоныя знайшлі агромністае радовішча золата, якое змяшчае 99,999% усяго золата планеты8

У Польшчы адбылося ДТЗ з аўтобусам, поўным беларусаў3

Макрон заявіў пра гатоўнасць адправіць ва Украіну 50 тысяч вайскоўцаў6

больш чытаных навін
больш лайканых навін

Спявачку Мэрыем Герасіменка на працягу двух гадоў збіваў муж43

Спявачку Мэрыем Герасіменка на працягу двух гадоў збіваў муж

Галоўнае
Усе навіны →

Заўвага:

 

 

 

 

Закрыць Паведаміць