Кіно55

У новым заходнім блакбастары з зоркай серыяла «Ход каралевы» знайшлося месца Беларусі

Апошнім часам заходнія кіношнікі рэгулярна згадваюць Беларусь у сваіх сцэнарах. Чарговы такі выпадак — фільм «Цясніна» (The Gorge), які выходзіць у наступным годзе.

Фота: кадр з трэйлера

«Цясніна» — гісторыя пра двух прафесійных снайпераў, якіх адпраўляюць ахоўваць супрацьлеглыя бакі велізарнай цясніны. Нягледзячы на адлегласць, паміж імі ўзнікаюць пачуцці, але галоўная праблема — даць рады злу, што знаходзіцца ў цясніне паміж імі.

Днямі выйшаў трэйлер стужкі, і, мяркуючы па ім, у гэтай гісторыі знайшлося месца Беларусі. У пачатку трэйлера нехта — верагодна, галоўная гераіня — глядзіць праз прыцэл зброі, на самалёт з беларускім дзяржаўным сцягам на корпусе. З самалёта выходзіць амаль лысы мужчына ў касцюме разам з жанчынай у белай сукенцы і на абцасах. Іх сустракаюць ахоўнікі і машыны, да адной з якіх прымацаваныя беларускія дзяржаўныя сцягі — выглядае, што гэта сустрэча важнага госця, магчыма, нейкага палітыка, і адбываецца ўсё на тэрыторыі нашай краіны.

Далей у трэйлеры мы бачым амерыканскую вайсковую базу і ўласна цясніну, дзе адбываюцца галоўныя падзеі. Падобна, што кадры з Беларуссю — эпізод з жыцця аднаго з герояў, што здарыўся перад тым, як яны сустрэліся ў гарах.

У «Цясніны» зайздросны акцёрскі склад. Галоўную гераіню грае Аня Тэйлар-Джой — зорка шахматнага серыяла «Ход каралевы», якая паспела паказаць сябе і ў вялікім кіно, а ў ролі другога плану з’явіцца галівудская легенда Сігурні Уівер. Прэм’ера стужкі запланаваная на 14 лютага 2025 года на Apple TV+.

«Наша Нiва» — бастыён беларушчыны

ПАДТРЫМАЦЬ

Каментары5

  • Жвір
    09.12.2024
    О, «Ход каралевы» некалі мне вельмі спадабаўся, гэта ня толькі пра лёс той дзяўчыны й шахматы, гэта збольшага пра тое, як дасягаюцца мэты й спраўджваюцца мары, калі йсьці да іх, прыкладаць высілкі, і не здраджваць ім.
  • Відавочна
    09.12.2024
    Павінен быць стары і кульгаць!
  • Пг
    09.12.2024
    Тое самае ў новым серыяле Agency з Фасбэндарам. Беларусь у цэнтры шпіёнскага канфлікта.
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Ізраільскі авіяўдар перарваў эфір дзяржтэлерадыё Ірана. Штаб-кватэра ТБ знішчаная ВІДЭА24

Ізраільскі авіяўдар перарваў эфір дзяржтэлерадыё Ірана. Штаб-кватэра ТБ знішчаная ВІДЭА

Усе навіны →
Усе навіны

П'яны васьмікласнік у Гомелі ў гандлёвым цэнтры біў нагамі супрацоўнікаў міліцыі10

Аўтамабіль пад Мінскам сутыкнуўся адразу з трыма ласямі1

Ад заўтра зноў пачне халадаць2

Каля Сбер банка ў Мінску адкрываюць помнік качцы

На канферэнцыі Reshape 2025 абурыліся «тысячамі канферэнцый», абвінавацілі Ціханоўскую ў дыктатуры і ацанілі вынікі 5 гадоў у эміграцыі28

«Тое, што Ізраіль зрабіў з Іранам, — гэта тое, што Расія хацела зрабіць з Украінай»18

Жанчына злавіла на Прыпяці гіганцкага таўсталобіка. Яго вага — каля 60 кг2

Дзяўчынцы з Польшчы, ахвяраваць грошы якой заклікаў беларус, сабралі патрэбную суму1

Пяць фактаў пра новага прэс-сакратара МЗС, які хамаватасцю косіць пад Марыю Захараву10

больш чытаных навін
больш лайканых навін

Ізраільскі авіяўдар перарваў эфір дзяржтэлерадыё Ірана. Штаб-кватэра ТБ знішчаная ВІДЭА24

Ізраільскі авіяўдар перарваў эфір дзяржтэлерадыё Ірана. Штаб-кватэра ТБ знішчаная ВІДЭА

Галоўнае
Усе навіны →

Заўвага:

 

 

 

 

Закрыць Паведаміць