Грамадства44

Сярод затрыманых па справе пажару ў віцебскім гандлёвым цэнтры, верагодна, ягоны ўладальнік

Віцебскія рэгіянальныя выданні звярнулі ўвагу, што адзін з затрыманых па справе пажару ў гандлёвым цэнтры «Беларусь» у Віцебску 13 снежня вонкава вельмі падобны да ўладальніка гэтага цэнтра Віктара Вялюгі. 

На аператыўным відэа затрымання фігуруе чалавек у кайданках, апрануты ў тую ж вопратку, што і ўладальнік гэтага і іншых віцебскіх гандлёвых цэнтраў Віктар Вялюга падчас наведвання пажарышча.

Хоць сілавікі заблюрылі твар затрыманага, знешні выгляд астатняй часткі цела мужчыны таксама вельмі нагадвае Віктара Вялюгу. Відаць, акурат яго могуць рабіць галоўным падазраваным.

Праз дзень пасля пажару Віктар Вялюга каментаваў сітуацыю з ім, прыехаўшы на пажарышча:

«Здарылася вялікая бяда, адбылося ўзгаранне, прычыну будзе вызначаць ужо следства. Усе арандатары павінны супакоіцца, мы зробім усё неабходнае, каб людзі не засталіся без магчымасці працаваць. Камусьці будуць дадзеныя ў найбліжэйшы час месцы ў іншых гандлёвых цэнтрах», — казаў ён.

Паводле Вялюгі, у гандлёвым цэнтры будзе праводзіцца рамонт.

«Пасля рамонту, натуральна, усе змогуць вярнуцца на свае працоўныя месцы, — запэўніў ён. — Па матэрыяльных каштоўнасцях мы нейкім чынам будзем вырашаць, каб пайсці насустрач і зрабіць або наданне без арэнды памяшканняў, або кампенсаваць. Але гэта трэба ўсё глядзець».

Аднак жа кіраўнік адміністрацыі Лукашэнкі Дзмітрый Круты сёння ў Віцебску заявіў, што абгарэлы будынак гандлёвага цэнтра найхутчэй будуць не рамантаваць, а зносіць.

Каментары4

  • Не ўсё толькі благое звязана з...
    16.12.2024
    Германія 30-х: спачатку падпал рэйхстага, потым захоп маёмасці і адпраўка ўласніка ў лагер.
    РБ 20-х: спачатку падпал маёмасці, затым абвінавачванне ўласнікаў ў нядбайным карыстанні і пасадка ў турму.
    Вучань пераўзышоў настаўніка.
    П.с. Ого, два па 8 - нават спам-фільтр падказвае што тут да чаго!
  • даведка
    17.12.2024
    Лукашенко положил глаз на здание земельный участок, поэтому плохи дела.
  • 17.12.2024
    С учетом того, что ТЦ хотят отправить под снос, становится очевидным повод для пожара – отжим части бизнеса и места под более интересную застройку. В любом случае – абсолютно рукотворная история, которая лишь подтверждает то, что в рамках нового передела собственности жизни простых беларусов тоже ничего не значат.
    Ник и Майк .

Цяпер чытаюць

Трамп: 17 сістэм Patriot адправім ва Украіну3

Трамп: 17 сістэм Patriot адправім ва Украіну

Усе навіны →
Усе навіны

У Францыі зняволены змог збегчы з турмы — яго вынес у сумцы сукамернік, які вызваліўся

Пуцін папярэдзіў Трампа, што ў наступныя 60 дзён плануе чарговы наступ на ўсходзе Украіны5

Сабаленка адарвалася ў рэйтынгу на гіганцкія 4750 балаў5

Кітайскія навукоўцы стварылі пчол-кібаргаў5

Кошт біткойна ўпершыню ў гісторыі перавысіў 120 000 даляраў1

Трамп сёння абвесціць пра новы план узбраення Украіны4

Зяленскі збіраецца памяняць прэм'ера і міністра абароны3

«Тэму генацыду беларускага народа прыдумалі расіяне і падсунулі гэта ў якасці сцэнарыя для мабілізацыі беларусаў»9

У аэрапорце пад Лонданам разбіўся прыватны самалёт

больш чытаных навін
больш лайканых навін

Трамп: 17 сістэм Patriot адправім ва Украіну3

Трамп: 17 сістэм Patriot адправім ва Украіну

Галоўнае
Усе навіны →

Заўвага:

 

 

 

 

Закрыць Паведаміць