У Баранавіцкім раёне праваліўся пад лёд і патануў 44‑гадовы машыніст цеплавоза вытворчага рэспубліканскага унітарнага торфапрадпрыемства «Калпеніца».
Як паведамілі ў пракуратуры раёна, трагедыя адбылася 3 сакавіка прыкладна ў 13.45 недалёка ад вёскі Загор’е.
Машыніст вёў цеплавоз па вузкакалейнай чыгунцы.
На адным з яе ўчасткаў ён спыніў цеплавоз і выйшаў паглядзець рыбалоўныя снасці,
якія ўстанавіў на прыродным вадаёме, размешчаным у забалочанай мясцовасці.
Памочнік машыніста, занепакоены доўгай адсутнасцю калегі, пайшоў шукаць яго і ўбачыў сляды на лёдзе і палонку. Пасля беспаспяховых спроб знайсці зніклага супрацоўніка, работнікі торфапрадпрыемства звярнуліся ў МНС.
Ратавальнікі пры дапамозе адмысловага рыштунку прыкладна ў 17.15 выцягнулі цела машыніста цеплавоза з вады.
Загінулы — жыхар пасёлка Акцябрскі. Праверку па гэтым факце праводзіць пракуратура Баранавіцкага раёна.
Цяпер чытаюць
«Лукашэнка проста не ведае». Ябацьку, які выкладаў у тыкток відэа пра булінг дачкі, пасадзілі на паўтара месяца11
«Лукашэнка проста не ведае». Ябацьку, які выкладаў у тыкток відэа пра булінг дачкі, пасадзілі на паўтара месяца
«Наіўна спадзяваліся зарабляць у Еўропах, прыязджаць дадому лячыць зубы на халяву і здаваць кватэру». Прапаганда пачала апраўдваць дарагія жыроўкі для «дармаедаў»1212
Каментары