Яўген Ворсін абраны старшынёй Федэрацыі хакея Беларусі
18 сакавіка на пазачарговай выбарчай канферэнцыі Асацыяцыі «Федэрацыя хакея Рэспублікі Беларусь» былы міністр спорту і туруыму Яўген Ворсін быў абраны кіраўніком ФХРБ.
Выбары прайшлі на безальтэрнатыўнай аснове. Ворсіна вылучылі Гомельскае абласное грамадскае аб’яднанне «Федэрацыя хакея», а таксама адміністрацыя і трэнерскі калектыў хакейнага клуба «Гомель».
Нагадаем, што 21 студзеня на нечарговай канферэнцыі Уладзімір Навумаў склаў з сябе паўнамоцтвы старшыні ФХРБ, аднак новы кіраўнік абраны не быў, і часовым выканаўцам абавязкаў старшыні стаў спартыўны дырэктар федэрацыі Уладзімір Швабоўскі.
***
Яўген Ворсін нарадзіўся ў 1948 годзе ў горадзе Ульянаўск. Пасля службы ў войску скончыў Беларускі дзяржаўны інстытут фізкультуры. Тут гуляў у хакей з шайбай за мінскія СКІФ (у першынстве БССР) і «Тарпеда» (у другой лізе чэмпіяната СССР). Працаваў у аддзеле футбола спорткамітэта БССР, з’яўляўся начальнікам спортуправления Міністэрства адукацыі. З красавіка 1999‑га па снежань 2002 года быў міністрам спорту і турызму Беларусі, пасля чаго працаваў у структурах СНД і ЕўрАзЭС (Еўразійскай эканамічнай супольнасці). Зараз з’яўляецца намеснікам генеральнага сакратара ЕўрАзЭС.
У розныя гады Федэрацыю хакея Беларусі ўзначальвалі Яўген Анкуда, Леў Кантаровіч, Юры Бародзіч і Уладзімір Навумаў.
Каментары