Курс даляра ЗША па выніках біржавых таргоў 22 сакавіка вырас на 9 рублёў і склаў 2.976 рублёў. Гэта з'яўляецца новым гістарычным максімумам кошту амерыканскай валюты.
Паводле звестак БВФБ, у таргах далярам удзельнічала 25 банкаў. Аб'ём здзелак склаў 22 млн. 688 тыс. (попыт — 25 млн. 963 тыс., прапанова — 22 млн. 688 тыс.)
У таргах расійскім рублём удзельнічала 27 банкаў. Курс вырас на 0,03 рубля да 101,44 рубля, што таксама з'яўляецца новым гістарычным максімумам. Аб'ём здзелак склаў 290 млн. 893 тыс. расійскіх рублёў (попыт — 293 млн. 995 тыс., прапанова — 290 млн. 893 тыс.).
У таргах еўра ўдзельнічала 26 банкаў. Аб'ём здзелак склаў 5 млн. 948 тыс. (попыт — 4 млн. 23 тыс., прапанова — 5 млн. 948 тыс.), а курс знізіўся на 16 рублёў да адзнакі 4.024 рублі за еўра.
Адносна валютнага кошыка (даляр ЗША, еўра, расійскі рубель) беларускі рубель умацаваўся на 0,02% у параўнанні з папярэднім значэннем: кошт кошыка склаў 1.067,07 рубля супраць 1.067,28 рубля ў пятніцу.
З пачатку года курс беларускага рубля да валютнага кошыка знізіўся на 2,97%. Пры гэтым да даляра ЗША курс знізіўся на 3,95%, да расійскага рубля знізіўся на 7,16%, да еўра — умацаваўся на 1,98%.
На 2010 год калідор ваганняў курсу беларускага рубля адносна кошыка валют устаноўлены ў межах плюс/мінус 10%.
Польшча прызнала Аляксандра Машэнскага непажаданай асобай27
Каментары