У чацвер латвійскі памежнік прымяніў агнястрэльную зброю, зрабіўшы два папераджальныя стрэлы, каб не дапусціць незаконнага перасячэння дзяржаўнай мяжы сямю парушальнікамі.
Падчас агляду наваколля з дапамогай беспілотніка памежнікі Краслаўскага краю на мяжы з Беларуссю заўважылі групу асоб. Памежнікі накіраваліся да гэтай групы і на некалькіх мовах загадалі спыніцца, аднак асобы не адрэагавалі і кінуліся наўцёкі.
Паведамляецца, што падчас уцёкаў яны праяўлялі агрэсію і непадпарадкаванне, закідваючы памежнікаў драўлянымі палкамі і камянямі. Каб затрымаць іх, памежніку давялося скарыстацца службовай агнястрэльнай зброяй і зрабіць папераджальны стрэл у паветра.
Пасля гэтага дзве асобы спыніліся, але яшчэ пяць працягвалі ўцякаць і закідваць памежнікаў. Пасля другога папераджальнага стрэлу астатнія таксама спыніліся.
Для аказання падтрымкі памежнікам былі прыцягнутыя дадатковыя сілы.
Падчас агляду асоб і праверкі стану здароўя скаргаў на самаадчуванне не паступала, і падчас агляду праблем са здароўем выяўлена не было.
Цяпер чытаюць
«У такую ж галечу, ды яшчэ і халодную, пакістанцы не паедуць». Беларус пяць тыдняў правёў у Пакістане — вось што яго ўразіла25
Каментары