Свет11

Міністр абароны Пакістана заявіў пра гатоўнасць завяршыць ваенны канфлікт пры згодзе Індыі

Пакістан гатовы спыніць ваенны канфлікт з Індыяй, калі Нью-Дэлі таксама згадзіцца на гэта, заявіў міністр абароны ісламскай рэспублікі Хаваджа Асіф.

«На працягу апошніх двух тыдняў мы пастаянна заяўлялі, што ніколі не зробім варожых дзеянняў у дачыненні да Індыі. Але калі на нас нападуць, мы адкажам. Калі Індыя адступіць, мы, безумоўна, пакладзём канец гэтай напружанасці», — сказаў Асіф у інтэрв’ю Bloomberg TV.

У ноч на 7 мая Індыя абвясціла пра пачатак аперацыі «Сіндура», скіраванай супраць «тэрарыстычнай інфраструктуры» ў Пакістане. Яна стала адказам на напад узброеных баевікоў на турыстаў у горадзе Пахалгам у горным раёне Анантнаг саюзнай тэрыторыі Джаму і Кашмір, які адбыўся 22 красавіка. Тады загінулі 26 чалавек, а дзясяткі атрымалі раненні. Адказнасць за тэракт узяла на сябе групіроўка «Фронт супраціву», якая з’яўляецца адгалінаваннем «Лашкар-і-Тайба».

У межах аперацыі «Сіндура» Індыя нанесла ўдары па «тэрарыстычных лагерах» у падкантрольнай Ісламабаду частцы Кашміра — у Бахавалпуры, Котлі, Сіялкоце, Мурыдке, Музафарабадзе і іншых населеных пунктах.

Як піша Hindustan Times, у частцы лагераў размяшчаюцца штабы і вучэбныя цэнтры ісламісцкіх тэрарыстычных груповак «Джаіш-э-Мухамад» і «Лашкар-і-Тайба». Адзін з лагераў у акрузе Наровал служыць базай для беспілотнікаў, з дапамогай якіх на тэрыторыю Індыі скідвалі зброю, боепрыпасы і наркотыкі, сцвярджае выданне.

Каментары1

  • На чыім баку тэлевізар?
    07.05.2025
    А што кажа лукашэнкаўскі тэлевізар? На чыім баку Ігар Тур і іншыя прапагандысты?
    На баку Індыі ці на баку штабоў і вучэбных цэнтраў ісламісцкіх тэрарыстычных груповак «Джаіш-э-Мухамад» і «Лашкар-і-Тайба», якія з дапамогай беспілотнікаў скідваюць зброю, боепрыпасы і наркотыкі на тэрыторыю Індыі?

Цяпер чытаюць

Гурт «Дразды» вінаваціць у сваім пакіданні сцэны «гіперактыўных блогераў»

Гурт «Дразды» вінаваціць у сваім пакіданні сцэны «гіперактыўных блогераў»

Усе навіны →
Усе навіны

ДАІ будзе выкарыстоўваць новыя камеры ў Мінску — для кантролю спынення і стаянкі1

Мінскую Серабранку чакаюць маштабныя змены3

Экс-палітвязень расказаў, як атрымаў мікраінфаркт падчас суда1

Мужчыну забіла маланка ў Столінскім раёне

«Гэта шлях адзіночкі». Беларус большую частку жыцця праводзіць у вандроўках — наведаў ужо амаль 500 аб’ектаў ЮНЕСКА17

Ізраіль перахапіў судна з Грэтай Тунберг, якое ішло ў Газу5

Каля Драздоў прадаецца дом за $2,5 мільёна5

На абедзе Лукашэнкі і Сі Цзіньпіна прысутнічала і адзіная дачка кітайскага лідара17

Андрэй Павук прыйшоў на прайд у Вільні ў форме міліцыянта з чырвона-зялёным сцягам. Чаму?49

больш чытаных навін
больш лайканых навін

Гурт «Дразды» вінаваціць у сваім пакіданні сцэны «гіперактыўных блогераў»

Гурт «Дразды» вінаваціць у сваім пакіданні сцэны «гіперактыўных блогераў»

Галоўнае
Усе навіны →

Заўвага:

 

 

 

 

Закрыць Паведаміць