Паводле даных за красавік 2025 года, Астравецкі раён Гродзенскай вобласці паказаў сярэдні намінальны налічаны заробак у 3924,3 рубля, што амаль на 425 рублёў больш, чым у Мінску, піша Onliner.by.
Для параўнання, у Мінску аналагічны паказчык склаў 3499,8 рубля. Ідзе гаворка пра заробак да ўтрымання падаткаў і ўзносаў (то-бок «бруднымі»).
Высокі ўзровень даходаў у Астравецкім раёне тлумачыцца тым, што менавіта тут размешчана Беларуская атамная электрастанцыя. Падобныя буйныя прадпрыемствы, асабліва ў сферы энергетыкі і прамысловасці, часта фарміруюць падвышаныя сярэднія заробкі ў рэгіёне.
Сярод іншых раёнаў з высокімі даходамі ў красавіку адзначыліся:
- Мінскі раён — 3262,8 рубля
- Салігорскі раён — 3204 рублі
- Рэчыцкі раён — 2875,8 рубля
- Дзяржынскі раён — 2791,4 рубля
Мільянер Варабей атрымаў права на забудову цэнтра Мінска — узамен за дарагую клініку для Лукашэнкі7
Каментары