Нерухомасць66

4, 14 ці 114? У Кобрыне не могуць разабрацца з нумарам дома на фасадзе

У Кобрыне дабудоўваюць 10-павярховы панэльны дом па Рэспубліканскай вуліцы. Дом яшчэ не скончаны, але на яго тарцы ўжо з’явіўся мурал, які стаў прычынай насмешак гараджан. 

Мурал на доме ў Кобрыне стаў прычынай насмешак гараджан. Фота: kobrin_online

Пару дзён таму ў мясцовых пабліках з’явіліся фота няскончанага роспісу на фасадзе новага дома. На тарцы дома паспелі намаляваць кампазіцыю ў стылі сінтэзу мінімалізму і аграрэнесансу: вертыкальныя палосы, у якія ўпісаны нумар дома, калоссе і карта краіны з подпісам «Беларусь», які па памеры нават большы за назву вуліцы — тыповы твор сучаснай бюджэтнай архітэктуры, калі не хочацца мець глухі тарэц, але і змяняць тыпавы праект ці запрашаць прафесійнага мастака дорага для забудоўшчыка. 

Вось толькі аўтары мурала ў Кобрыне не ўлічылі, што мінімалістычная чацвёрка — нумар дома — упісаная ў такія ж мінімалістыныя вертыкальныя лініі, будзе чытацца многімі як 14. Гэта і стала першапачаткова прычынай насмешак з новага роспісу.

Першапачатковы выгляд мурала на доме №4. Фота: kobrin_online
Выгляд мурала пасля першай спробы выправіць нумар дома. Фота: kobrin_online

Усвядоміўшы сваю памылку, будаўнікі зафарбавалі частку рамкі вакол нумара, што зрабіла яго яшчэ больш падобным да 14. У выніку рамку вакол нумара прыбралі зусім, але і гэта не дапамагло — суседнія лініі ўсё роўна ствараюць у кобрынцаў ілюзію, што на доме напісана ці то 14, ці то 114.

Актуальны выгляд мурала. Фота: kobrin_online

Пакуль пытанне з нумарам канчаткова не вырашана, але жыхароў горада цяпер куды больш непакоіць іншы элемент мурала — вялікая карта Беларусі, ніводная лінія на якой нават блізка не супадае з рэальнымі межамі краіны і яе абласцей. 

Карта Беларусі на мурале. Фота: kobrin_online

«Гэта выглядае як абгрызены кавалак краіны. Нават візуальна бачна, што дзяржаўная мяжа проста скажоная да немагчымасці. У нас вельмі прыгожая краіна на карце, а гэта — я не ведаю…» — абураюцца каментатары.

Не могуць кобрынцы зразумець, і чый Кобрын па гэтай карце:

«А Кобрын Украіне аддалі?»
«Не, Маларыце».

«Засталося тэрытарыяльныя спрэчкі па карце вырашыць. Частку Літвы забралі, частка Расіі таксама ў нас, Кобрын — аддалі Украіне. Ці мастак быў п'яны, ці ён штосьці ведае?» — іранізуюць іншыя.

«Наша Нiва» — бастыён беларушчыны

ПАДТРЫМАЦЬ

Каментары6

  • чацьвёрку штрыхом падмазаць
    26.06.2025
    і норм
  • Чавус
    26.06.2025
    Няўжо цяжка хаця б надпісы зрабіць нашай мовай? Няхай бы людзі бачылі, дзеці ... Гэта важна: бычыць і чуць. Нават калі самі пакуль не карыстаюцца.
    Ганьба уладам Кобрына! Самі не вельмі ..., і дызайнераў такіх самых пазвалі :) 4 ці 14 :) Таксама скажуць "А какая разница!"
  • Ы
    26.06.2025
    У Беларусі хіба перавяліся таленавітыя мастакі і дызайнеры? Здаецца, не — час ад часу з'яўляюцца вельмі крутыя муралы. Тут адказнасць адміністрацыі за тое, каго яны прыцягнулі да гэтай працы.
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Студэнтка, якая ўцякла ад арышту ў 2020-м, працуе на крайняй поўначы Нарвегіі і зразумела скандынаўскі рэцэпт шчасця25

Студэнтка, якая ўцякла ад арышту ў 2020-м, працуе на крайняй поўначы Нарвегіі і зразумела скандынаўскі рэцэпт шчасця

Усе навіны →
Усе навіны

Зайцы з вялікімі морквамі і чырвона-зялёны ветразь. У Смаргоні прайшоў конкурс «Плаванне на чым папала» ШМАТ ФОТА7

Невядомыя стварылі фэйкавы сайт Сяргея Ціханоўскага і збіраюць інфармацыю7

Праўладнай блогерцы Анджалішы зрабілі прапанову рукі і сэрца ў Дзень Незалежнасці13

Прайшлі вобшукі ў былога міністра абароны Украіны Рэзнікава4

Праверка «БайХэлпа» выявіла ўцечку даных20

«Засталася трывога, якая не адпускае нават ноччу». Былы палітвязень Сяргей Шэлег просіць аб дапамозе7

У Замбіі звар'яцелая сланіха забіла дзвюх турыстак3

Беларус узяў крэдыт «На родныя тавары», каб купіць матацыкл «Мінск». Той аказаўся кітайскім3

«Мы чакалі Полк Каліноўскага, каб вызваліў нас». Палітвязень патлумачыў, чаму папрасіў аб памілаванні20

больш чытаных навін
больш лайканых навін

Студэнтка, якая ўцякла ад арышту ў 2020-м, працуе на крайняй поўначы Нарвегіі і зразумела скандынаўскі рэцэпт шчасця25

Студэнтка, якая ўцякла ад арышту ў 2020-м, працуе на крайняй поўначы Нарвегіі і зразумела скандынаўскі рэцэпт шчасця

Галоўнае
Усе навіны →

Заўвага:

 

 

 

 

Закрыць Паведаміць