У Шумілінскім раёне мужчына з рэўнасці падпаліў чужы дом, там загінуў чалавек
25 чэрвеня кампанія адпачывала ў доме жыхара вёскі Перамога, дзе выпівала. Уначы частка гасцей разышлася па дамах, паведамляе СК.
Праз некаторы час 52-гадовы жыхар суседняй вёскі прачнуўся і заўважыў адсутнасць сваёй сужыцелькі. Прырэўнаваўшы жанчыну да аднаго з удзельнікаў застолля, мужчына прыйшоў да дома, дзе раней ужываў спіртное, і падпаліў на верандзе абрус.
Ахоплены полымем дом заўважылі падлеткі. Яны і патэлефанавалі ў МНС. У доме жанчыны не аказалася. Ратавальнікі выратавалі гаспадара дома і дасталі цела загінулага госця.
Каментары