11 красавіка ў мінскім Палацы спорту адбыліся фінальныя спаборніцтвы 89‑га мужчынскага чэмпіянату Еўропы па цяжкай атлетыцы.
11 красавіка ў мінскім Палацы спорту адбыліся фінальныя спаборніцтвы 89‑га мужчынскага чэмпіянату Еўропы па цяжкай атлетыцы.
Усяго ў жаночым і мужчынскім спаборніцтвах, якія праходзілі ў сталіцы з 5 красавіка, узялі ўдзел каля 300 спартсменаў з 37 краін.
У фінальных спаборніцтвах атлетаў да 105 кг гонар Беларусі абаранялі барысаўчане: Андрэй Арамнаў і Міхаіл Аўдзееў. За выступленнем алімпійскага чэмпіёна Пекіна на спартыўнай арэне назіралі каля трох з паловай тысяч гледачоў.
Па выніках спаборніцтва Арамнаў упершыню ў кар’еры стаў пераможцам кантынентальнага першынства.
Па суме двух практыкаванняў у катэгорыі да 105 кг беларус падняў 420 кг (195+225). «Серабро» ў расіяніна Дзмітрыя Клокава — 409 кг (185+224), «бронза» ў расіяніна Уладзіміра Смарчкова — 408 кг (193+215).
Чэмпіён пра сваю перамогу гаворыць так: «Я першы раз заваяваў «золата» чэмпіянату Еўропы. Медалі пойдуць у маю калекцыю — яны зробяць яе поўнай. Далей хацелася б устанавіць некалькі сусветных рэкордаў, але крыху не хапіла сіл. Роў балельшчыкаў злёгку збіваў… Аднак самае галоўнае, што сёння я выйграў і абараніць тытул самага моцнага на Зямлі ў сваёй катэгорыі. Гэта мой дзень. Дай бог вам усім здароўя і шчасця!»
Як адзначыў галоўны трэнер беларускіх цяжкаатлетаў Аляксандр Ганчароў, у ходзе чэмпіянату сабраны восем медалёў у суме двоябор’яў — тры залатыя і пяць бронзавых.
«Гэта чарговы поспех і чарговы рэкорд каманды. Я вельмі задаволены, — адзначыў ён. — Перамога Арамнава гаворыць аб тым, што чалавек, які рабіў бы ўсё не так, не ўстаў бы сёння на самую высокую прыступку п’едэстала гонару».
Цяпер чытаюць
«У капцюрох ГПУ». Стагоддзе небяспечнай наіўнасці і дарэмных мараў беларускай эміграцыі7
Каментары