З 1 лістапада 2025 года ў Латвіі ўводзіцца забарона на міжнародныя нерэгулярныя аўтобусныя перавозкі праз мяжу з Беларуссю і Расіяй. Абмежаванне будзе дзейнічаць да 31 кастрычніка 2026 года. Такое рашэнне ўрад краіны прыняў 7 кастрычніка.
Забарона закране ўсе кампаніі перавозчыкаў, незалежна ад формы ўласнасці і краіны рэгістрацыі транспартнага сродку.
Пад абмежаванне трапляе пункт пропуску «Патарніекі» (з беларускага боку — «Грыгораўшчына»), а таксама на мяжы з Расіяй — «Грэбнева» і «Церахава».
Як адзначылі ў міністэрстве транспарту, мера прынята «ў сувязі з цяперашняй геапалітычнай сітуацыяй і рэкамендацыямі ўрада Латвіі грамадзянам устрымацца ад паездак у Беларусь і Расію». Паводле яго, у апошні час назіраецца рост нерэгулярных арганізаваных аўтобусных паездак і заторы на памежных дарогах, што стварае дадатковыя рызыкі для бяспекі краіны.
Міністр падкрэсліў, што такая сітуацыя можа садзейнічаць нелегальнай міграцыі, разведвальнай дзейнасці замежных спецслужбаў і вярбоўцы грамадзян, таму неабходна ўвесці жорсткія меры кантролю.
Пры гэтым рэгулярныя пасажырскія маршруты, якія арганізуюцца на падставе міжурадавых пагадненняў і латвійскага заканадаўства, пакуль застануцца дзейнымі.
-
Памерла 32‑гадовая дызайнерка Вольга Шаўцова — амаль палову свайго жыцця яна змагалася з анкалогіяй
-
Новы канфлікт вакол «Пагоні». Літоўцы вінавацяць беларускі футбольны клуб у крадзяжы іх сімволікі
-
У Ваўкавыскім раёне жыхарку вёскі аштрафавалі за вялікую колькасць катоў. Але юрыстка дапамагла адбіцца
Каментары