Сёння і заўтра ў Мінску будуць працаваць сельскагаспадарчыя кірмашы
Сельскагаспадарчыя кірмашы, дзе можна будзе закупіцца гароднінай і прадуктамі, пройдуць 18 і 19 кастрычніка ў Мінску. Цэнтрам прыцягнення стане гандлёвая пляцоўка ля Палаца спорту, пішуць Мінск-Навіны.
Яна будзе працаваць з 8:00 да 16:00.
Паралельна не менш маштабны гандаль разгорнецца на пляцоўцы ля спарткомплексу «Чыжоўка-Арэна» на вул. Ташкенцкай, 19.
Традыцыйна будуць прадстаўлены гародніна, прадукцыя прадпрыемстваў Белкаапсаюза, фермерскія тавары, у тым ліку малочныя прадукты, каўбасы, вэнджаніна, мясныя вырабы, сала, хатнія саленні, мёд, а таксама кветкі, расада і саджанцы.
Акрамя дзвюх цэнтральных лакацый, для зручнасці гараджан будуць працаваць і іншыя пункты продажу. Гэта дазволіць жыхарам усіх раёнаў горада без лішніх выдаткаў часу назапасіцца свежай сельгаспрадукцыяй.
- Заводскі раён: вул. Несцерава, 49 (аўтастаянка ГЦ «Сімакс»), з 10:00 да 16:00;
- Ленінскі раён: пр. Ракасоўскага, 114 (аўтамабільная паркоўка), з 10:00 да 16:00;
- Маскоўскі раён: вул. Я. Брыля (каля дома № 5), з 10:00 да 17:00;
- Кастрычніцкі раён: вул. Чкалава, 7, вул. Барамзіной, 10а, з 10:00 да 16:00;
- Партызанскі раён: бул. Трактарабудаўнікоў, з 10:00 да 16:00;
- Першамайскі раён: вул. Русіянава, 1, з 10:00 да 17:00;
- Савецкі раён: парк Дружбы народаў, з 10:00 да 16:00;
- Фрунзенскі раён: вул. Прытыцкага, 27 (пляцоўка ля Лядовага палаца спорту Мінскай вобласці), з 10:00 да 16:00;
- Цэнтральны раён: вул. Кахоўская, 31 (каля кінатэатра «Кіеў»), з 10:00 да 16:00.
Акрамя гэтага, у горадзе штодня працуюць каля 100 стацыянарных лакацый па продажы сельскагаспадарчай прадукцыі.
Каментары