Папа Бэнэдыкт XVI сказаў, што ягоны выступ, які выклікаў рэзкую рэакцыю ў ісламскім сьвеце, зразумелі няправільна.
Папа Бэнэдыкт XVI сказаў, што ягоны выступ, які выклікаў рэзкую рэакцыю ў ісламскім сьвеце, зразумелі няправільна. «Гэта было трагічнае непаразуменьне», – сказаў Бэнэдыкт XVI вернікам на агульнай аўдыенцыі.
Папа ўзгадаў, што падчас пілігрымкі ў Баварыю ў сваім выступе ва ўнівэрсытэце м.Рэгензбург ён працытаваў непрыязную для мусульманаў думку бізантыйскага імпэратара Мануэля II Палеоляга. Аднак ён падкрэсьліў, што зь ёй не згаджаецца.
«На жаль, гэтую цытату няправільна зразумелі», – сказаў Папа і дадаў, што кожнаму, хто ўважліва слухаў, відавочна, што гэта не ягоныя словы і што іх сутнасьць не выражае яго асабістага стаўленьня. Бэнэдыкт XVI хацеў патлумачыць, што рэлігія – ня гвалт, а рэлігія і розум ідуць поруч.
Папа верыць таксама ў тое, што пасьля першых рэакцыяў ягоныя словы з прамовы могуць падштурхнуць i заахвоціць да пазытыўнага і самакрытычнага дыялёгу як паміж рэлігіямі, гэтак і паміж сучасным розумам і хрысьціянскай верай.
Цяпер чытаюць
Дачка суддзі, якая жыўцом згарэла ў судзе ў Слуцку ў 1967-м, расказала, як склалася жыццё іх сям’і пасля гучнай трагедыі10
Каментары