Праверка ладзіцца на загад міністра. Хоць выдаўца «НН» правяралі зусім нядаўна.
Раніцай 2 жніўня інспектарка Міністэрства па падатках і зборах праз тэлефон паведаміла, што рыхтуецца пазапланавая праверка прадпрыемства выдаўца «Нашай Нівы» — прыватнага прадпрыемства «Суродзічы».
На пытанне, з чым гэта звязана — апошні раз «Суродзічы» правяралі зусім нядаўна, у верасні 2008 — яна сказала, што праверка ладзіцца на загад міністра.
Нагадаем, на мінулым тыдні газета атрымала адразу два папярэджанні ад Міністэрства інфармацыі за артыкулы, звязаныя з фільмам НТВ «Хросны бацька». А «НН» № 25 з інфармацыяй пра фільм, паводле звестак ад чытачоў, не з’явілася ў кіёсках «Белсаюздруку».
Згодна з указам № 510 «Аб удасканаленні кантрольнай (нагляднай) дзейнасці ў Рэспубліцы Беларусь» суб’екты гаспадарання, аднесеныя да нізкай групы рызыкі, як «Суродзічы», павінны правярацца не часцей за адзін раз у 5 гадоў.
Мсціслаў Мекта: яшчэ адзін рэцыдывіст рвецца ва ўладу, прыкінуўшыся спецназаўцам-ябацькам15
Каментары