У сераду Віктару Паўлавічу споўніцца 85 гадоў.
Бацька арыштаванагаэкс-кандыдата на пасаду прэзідэнта Мікалая Статкевіча Віктар Паўлавіч Статкевіч атрымаў ад сына паштоўку. 19 студзеня Віктару Статкевічу споўніцца 85 гадоў. Сын павіншаваў яго з днём народзінаў.
Віктар Статкевіч сказаў: «Ведаеце, я заплакаў. Я так хвалююся за яго. Мікола павіншаваў мяне і просіць прабачэння, што ён не са мной… Старшаму сыну я сказаў, каб не прыязджаў сюды ў Беларусь, бо яшчэ і яго арыштуюць. Я ж глядзеў гэты фільм БТ.
Ведаю, пра якога Сашу там была размова. Гэта вядомы адзін правакатар. Ён жыве ва Ўкраіне.
А калі старшы сын паедзе, то яны зробяць нейкую новую правакацыю. Чаго можна чакаць ад уладаў?
Я ў часы вайны шмат чаго перажыў… Мяне нават на расстрэл вадзілі, а бацька мой закрыў мяне сваёй спіной… Але тады ўжо нашы танкі былі пад Слуцкам. Зараз, я думаю, фашысты так не здзекаваліся з людзей як гэтыя…
Я ведаю, што сын трымае галадоўку. Ведаю, што яго могуць толькі гвалтоўна неяк карміць, каб не памёр, бо сам ён не спыніцца. Таму вельмі непакоюся за яго. Атрымліваю цяпер шмат лістоў і паштовак ад самых розных людзей. Нават не чакаў такой падтрымкі. Дай, Бог, каб усё было добра».
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі39
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс2121
Каментары