У Беларусі плануецца ўвесці чыпаванне сабак і катоў
Праектам закона «Аб абыходжанні з жывёламі» ў Беларусі плануецца ўвесці чыпаванне сабак і катоў, паведаміла выканаўца абавязкаў дырэктара мінскага прадпрыемства па часовым утрыманні жывёл «Фаўна горада» Тамара Царыкоўская, якая ўваходзіць у рабочую групу па распрацоўцы законапраекта.
Ужыўленне чыпа, адзначыла Царыкоўская, забяспечыць кантроль над жывёламі. Гэту працэдуру плануецца выконваць на ветстанцыях і ў «Фаўне горада».
Прадстаўнік арганізацыі адзначыла, што ў праекце закона замацоўваюцца патрабаванні да рэгістрацыі і ўліку, утрымання, абыходжання з жывёламі. Асобныя артыкулы замацоўваюць патрабаванні да выгулу сабак і абавязкі ўладальнікаў жывёл. У законе таксама будзе прапісана, якія канкрэтна жывёлы могуць утрымоўвацца ў дамашніх умовах, а якія не.
Паводле слоў Царыкоўскай,
у ліку запланаваных новаўвядзенняў
— забарона на ўтрыманне ў шматкватэрных дамах сабак патэнцыйна небяспечных парод. Аднак тыя з іх, якія на момант набыцця законам моцы ўжо жывуць у шматкватэрных дамах, могуць заставацца ў сваіх гаспадароў да натуральнай смерці.
У праекце закона таксама плануецца замацаваць існуючыя абмежаванні на ўтрыманне сабак і катоў у шматкватэрных дамах: у адной кватэры не павінна жыць больш за дзве жывёлы.
Акрамя таго, у законапраекце распісана дзейнасць пунктаў па часовым утрыманні жывёл, прытулкаў і камерцыйных гасцініц. Тэрмін утрымання ў пункце часовага прыёму адлоўленай безнагляднай жывёлы плануецца павялічыць з пяці дзён да месяца.
Як адзначыла Царыкоўская, найбліжэйшым часам законапраект будзе накіраваны для ўнясення прапаноў у зацікаўленыя міністэрствы і ведамствы. Зацвярджэнне законапраекта Палатай прадстаўнікоў запланавана ў 2012 годзе.
Цяпер чытаюць
Сілавікі расказалі, за што правялі хапун на тэнісным матчы7
Сілавікі расказалі, за што правялі хапун на тэнісным матчы
«Аднавілі грамадскі парадак, не саступіўшы патрабаванням новых выбараў». Што піша Грокіпедыя пра пратэсты, Лукашэнку, мову і як дзеліць спадчыну ВКЛ1313
Каментары