Гісторыя з перадачай далікатных фінансавых звестак пра рэсурсы «Вясны» адначасова і багатая на наступствы, і іранічна банальная.
Гісторыя з перадачай далікатных фінансавых звестак пра рэсурсы «Вясны» адначасова і багатая на наступствы, і іранічна банальная.
Выявілася, што беларускім спецслужбам і не трэба ўжываць хітрыкаў, каб здабыць абрывістыя ўскосныя звесткі пра грашовыя перамяшчэнні на падтрымку дэмакратыі. Каб выведаць вычарпальную інфармацыю аказалася дастаткова… адправіць стандартны афіцыйны запыт!
Цікава, ці спадзявалася само Упраўленне прававога забяспечання замежных сувязяў беларускага Мінюста так лёгка абвесці вакол пальца сваіх літоўскіх калег? Сталін у такім выпадку называў заходнікам «карыснымі ідыётамі».
Намеснік старшыні літоўскага Мінюста Томас Вайткявічус апраўдаўся, што адказныя асобы «не звярнулі ўвагі» на прозвішча знанага беларускага праваабаронцы.Увогуле, маўляў, працэдура абмену фінансавай інфармацыяй стандартная, і дазволу міністра на гэта не трэба.
Літоўскі
І палітолагі, і літоўскія апазіцыйныя палітыкі патрабуюць разабрацца, ці ведалі высокія літоўскія чыны кшталту міністраў МУС і МЗС пра факт перадачы звестак. А калі так, то прыняць палітычную адказнасць і пайсці ў адстаўку.
Алею ў агонь літоўскага сумлення падлівае тое, што акурат сёлета Вільня старшынюе ў АБСЕ. Там, з аднаго боку, яна падымае пытанне пра рэпрэсіі супраць дэмакратычнай апазіцыі і грамадзянскай супольнасці. З другога боку, перадае беларускаму боку інфармацыю пра апанентаў дыктатуры.
Асаблівую далікатнасць сітуацыі надае той факт, што яшчэ тры тыдні таму літоўскія чыноўнікі і палітыкі ганьбілі Аўстрыю за яе надзвычай хуткае рашэнне вызваліць затрыманага расійца Міхаіла Галаватава.Вільня вінаваціць былога камандзіра «Альфы» у злачынствах супраць чалавецтва па падзеях штурму тэлевежы ў студзені 1991-га.
Тады незадаволеныя літоўцы небеспадстаўна займелі падазрэнне, што Вена дазволіла збегчы Галаватаву ад правасуддзя, паддаўшыся палітычнаму ціску Масквы. І доўга смакавалі несумленны ўчынак Аўстрыі.
Цяпер Літва згубіла твар перад раскрытыкаванай Аўстрыяй і партнёрамі ў Еўрасаюзе.
«Ці папросіць літоўскі прэзідэнт прабачэння ў беларускага народа?» — рытарычна пытае літоўскі партал Lietuvos Rytas.
Каментары