Лукашэнка: Мы яшчэ паглядзім, што рабіць з гэтым Усходнім партнёрствам
«Не чакалі, думалі, што мы будзем тут, ведаеце, галавой стукацца ў дзверы, галасіць і плакаць, у іх нешта прасіць. Не хочаце — не».
Аляксандр Лукашэнка падверг крытыцы Еўрасаюз у сувязі з спробамі ўнесці ў рэзалюцыю варшаўскага саміту Усходняга партнёрства параграф з крытыкай сітуацыі ў Беларусі і абмежаваць фармат удзелу афіцыйнай беларускай дэлегацыі.
Сваю заяву афіцыйны лідар зрабіў, адказваючы на пытанні вузкага кола журналістаў 30 верасня ў Маладзечне на фестывалі
«Спрабавалі да нас прымяніць нейкія павучальныя санкцыі,— сказаў Лукашэнка. — Вось ўсіх мы запрашаем на такім узроўні, Беларусь будзем запрашаць на іншым узроўні. Ну што ж, дзякуй, мы не хочам тарпедаваць працу Усходняга партнёрства, мы даручылі нашаму паслу ў Варшаве таварышу Гайсёнку выступіць кіраўніком дэлегацыі на гэтым саміце. Не чакалі, думалі, што мы будзем тут, ведаеце, галавой стукацца ў дзверы, галасіць і плакаць, у іх нешта прасіць. Не хочаце — не. Мы паслалі пасла. Не той узровень.
паспрабавалі яшчэ раз яго зняважыць — мы наогул адмовіліся ўдзельнічаць ва Усходнім партнёрстве».
«Што яны робяць? — працягнуў Лукашэнка. — Яны фармуюць нейкую там заяву ад імя партнёраў, шасці дзяржаў. Натуральна, ніводная дзяржава — ні Украіна, ні Малдова — дзякуй ім, ні Грузія, ні Азербайджан, ні Арменія — не падтрымалі гэтую рэзалюцыю.
Тады ноччу Еўрасаюз пачаў выломліваць рукі— ну вось гэтым нашым партнёрам па Усходнім партнёрстве, каб прынялі нейкую іншую рэзалюцыю. Вядома, ніводная з дзяржаў, ніводны кіраўнік дзяржавы не падтрымалі такую рэзалюцыю. Больш таго, вельмі актыўна выступілі ў падтрымку Беларусі і заявілі, што еўрапейцы няправільна паводзяць сябе ў дачыненні да Беларусі «.
«Я вельмі ўдзячны балтыйскім дзяржавам, Балгарыі, іншым дзяржавам, якія і ў душы, і адкрыта, вы гэта ведаеце, падтрымліваюць Беларусь. Яны бліжэй, яны суседзі, яны гэта бачаць»,— заявіў афіцыйны лідар.
Паводле яго слоў, «вось гэтыя 27 дзяржаў Еўрапейскага саюза спрабавалі нахіліць нашых сяброў па партнёрству, вось гэтыя шэсць рэспублік былога Савецкага Саюза». «Нічога не атрымалася. Ніводны кіраўнік дзяржавы рэзалюцыю не падтрымаў, і яна правалілася. Публічна хачу заявіць і падзякаваць маім сябрам, маіх партнёрам, маіх калегам — кіраўнікам дзяржаў за тую каласальную падтрымку, якую яны нам аказалі нават без нас. Гэта дарагога каштуе, беларусы ў даўгу не застануцца.
І асабліва хачу сказаць, велізарную падзяку выказаць прэзідэнту Грузіі Міхаілу Саакашвілі і прэзідэнту Азербайджана Ільхаму Аліеву,якія проста былі самымі актыўнымі людзьмі, якія падтрымлівалі нас там, у Еўропе. Думаю, што многія задумаліся пасля гэтага і зразумелі, што да Беларусі так ставіцца нельга. Прычыны няма», — лічыць Лукашэнка.
«Мы яшчэ паглядзім, што рабіць з гэтым Усходнім партнёрствам, — заявіў ён. — Прынамсі, у сваім рашэнні я буду арыентавацца на тых кіраўнікоў дзяржаў, якія нас сёння падтрымалі пры галасаванні за антыбеларускую рэзалюцыю, якія яе фактычна „зарубілі“. Я буду слухаць іх галасы і буду старацца зрабіць так, як яны мне параяць».
Каментары