Грамадства22

Законапраекты аб пагаршэнні ўмоваў грамадска-палітычнай дзейнасці прызнаны канстытуцыйнымі

Канстытуцыйны суд (КС) Беларусі прызнаў законнымі папраўкі ў закон аб масавых мерапрыемствах і законы, што рэгулююць грамадска-палітычную дзейнасць.

Як паведамляе інтэрнэт-сайт КС, адпаведнае рашэнне прынята Канстытуцыйным судом 28 кастрычніка. Законапраекты разглядаліся «ў парадку абавязковага папярэдняга кантролю».

Па выніках разгляду яны прызнаны адпаведнымі Канстытуцыі Рэспублікі Беларусь. «Разам з тым Канстытуцыйным судом сфармуляваны прававыя пазіцыі, накіраваныя на ўдакладненне канстытуцыйна-прававога сэнсу некаторых норм гэтых законаў», — гаворыцца ў паведамленні.

Нагадаем, законапраекты, якія робяць больш жорсткімі правілы правядзення масавых мерапрыемстваў, а таксама ўмовы для дзейнасці палітычных партый і грамадскі арганізацый, былі прыняты Палатай прадстаўнікоў 3 кастрычніка адразу ў двух чытаннях на закрытым для СМІ пасяджэнні. Верхняя палата парламента ўхваліла дакументы 21 кастрычніка.

Прыняцце гэтых дакументаў выклікала вялікі рэзананс у грамадстве. Лідары беларускіх НДА і праваабаронцы ў сумеснай заяве заклікалі ўлады адмяніць рэпрэсіўныя законапраекты.

Паводле іх меркавання, папраўкі ў закон «Аб масавых мерапрыемствах» «парушаюць правы грамадзян на мірныя сходы, гарантаваныя як Канстытуцыяй Беларусі, так і базавымі нормамі міжнароднага права, уводзяць адміністрацыйную адказнасць грамадзян за нявінныя дзеянні і бяздзейнасць».

Папраўкі ў законы, якія рэгулююць грамадска-палітычную дзейнасць, як лічаць лідары беларускіх НДА і праваабаронцы, «ствараюць новыя падставы для крымінальнага пераследу актывістаў грамадзянскай супольнасці і ўдзельнікаў мірных масавых акцый, парушаюць свабоду выказванняў, сходаў і аб’яднанняў».

На думку прадстаўнікоў апазіцыі і праваабаронцаў, названыя заканадаўчыя акты «маюць яўна антыправавы характар, скіраваны на празмернае абмежаванне правоў і свабод грамадзян». «Прыняцце такога рэпрэсіўнага заканадаўства будзе азначаць легалізацыю гвалтоўных метадаў барацьбы з палітычнымі апанентамі, створыць у краіне атмасферу страху, падштурхне грамадства да радыкалізму і зробіць немагчымым канструктыўны грамадскі дыялог. На ініцыятараў прыняцця гэтых законапраектаў, а таксама на іх распрацоўшчыкаў — дэпутатаў Палаты прадстаўнікоў і членаў Савета Рэспублікі — кладзецца адказнасць за такія наступствы неабдуманай заканатворчай дзейнасці», — гаворыцца ў заяве лідараў беларускіх НДА і праваабаронцаў.

Не ўводзіць у дзеянне новыя законы афіцыйны Мінск таксама заклікалі прадстаўнікі міжнароднай грамадскасці, у тым ліку Еўрасаюз і АБСЕ. Паводле іх меркавання, новаўвядзенні ў заканадаўства яшчэ больш абмяжуюць фундаментальныя правы на свабоду сходаў і асацыяцый у Беларусі.

Каментары2

Цяпер чытаюць

На вуліцы Матусевіча ў Мінску побач з дзіцячым садком упаў беспілотнік11

Грамадстваабноўлена11

На вуліцы Матусевіча ў Мінску побач з дзіцячым садком упаў беспілотнік

Усе навіны →
Усе навіны

У Брэсце пры саветах яўрэйскія могілкі закаталі пад стадыён. Цяпер там адкрылі першы ў краіне лапідарый. Але хто зруйнаваў могілкі, хаваюць11

Трамп сказаў, што расчараваны ў Пуціне і скарачае тэрмін ультыматуму18

«Гендырэктар не мяняў пароль з 2022 года». Беларускія кіберы расказалі падрабязнасці атакі на серверы «Аэрафлоту»20

ФК «Славія» расказаў пра стан заўзятара, які ўчора зваліўся з трыбуны

Лаўроў канстатаваў поўную адсутнасць саюзнікаў у Расіі13

Грыбнік паказаў пяць відаў баравікоў з беларускіх лясоў

Пяскоў: Трамп і Пуцін могуць сустрэцца ў Кітаі, калі «апынуцца ў адным горадзе»

У Гродне хлопец у касцюме анёла граў на саксафоне і спяваў серэнаду

У Астрахані абрынуўся пад'езд пяціпавярховага дома2

больш чытаных навін
больш лайканых навін

На вуліцы Матусевіча ў Мінску побач з дзіцячым садком упаў беспілотнік11

Грамадстваабноўлена11

На вуліцы Матусевіча ў Мінску побач з дзіцячым садком упаў беспілотнік

Галоўнае
Усе навіны →

Заўвага:

 

 

 

 

Закрыць Паведаміць