Міністр замежных спраў Літвы абяцае вылучыць Бяляцкага на Нобелеўскую прэмію міру
«Стаўленне да Бяляцкага з’яўляецца яркім прыкладам пераследу ўладамі грамадзянскай супольнасці», — гаворыцца ў заяве Рады Еўропы.
Рада Еўропы асуджае прысуд, вынесены 24 лістапада беларускаму праваабаронцу Алесю Бяляцкаму. Пра гэта гаворыцца ў заяве генеральнага сакратара арганізацыі Турб’ерна Ягланда.
«Я рашуча асуджаю суровы прыгавор праваабаронцу Алесю Бяляцкаму, вынесены нібыта за ўхіленне ад выплаты падаткаў, — сказаў Ягланд. — Стаўленне да Бяляцкага з’яўляецца яркім прыкладам пераследу ўладамі арганізацый грамадзянскай супольнасці, асабліва пасля прэзідэнцкіх выбараў 19 снежня 2010 года».
Ягланд падкрэсліў, што Бяляцкі павінен быць «вызвалены без усякіх умоў, як і ўсе іншыя палітзняволеныя». Акрамя таго, адзначыў генеральны сакратар Рады Еўропы, не павінна быць перашкод для далейшай дзейнасці Бяляцкага па абароне правоў чалавека ў Беларусі.
Вызваліць Бяляцкага заклікалі Вялікабрытанія, Германія, ПАСЕ, АБСЕ, Еўрапарламент, Міжнародная федэрацыя правоў чалавека ды інш.
* * *
Міністр замежных спраў Літвы Аўдронюс Ажубаліс сёння асудзіў прысуд Бяляцкаму і заявіў, што ён вылучыць Алеся Бяляцкага на Нобелеўскую прэмію міру. Гэта вельмі важная заява, якая павялічыць шанцы Бяляцкага на атрыманне гэтай важнай прэміі.
* * *
Алесь Бяляцкі —
Бяляцкі прызнаны вінаватым па частцы 2 артыкула 243 Крымінальнага кодэкса (утойванне даходаў у асабліва буйным памеры). У ходзе суда праваабаронца патлумачыў, што адкрыў банкаўскія рахункі за мяжой, бо зрабіць гэта ў Беларусі не ўяўлялася магчымым. Праваабарончы цэнтр «Вясна», які ён узначальвае, быў закрыты ўладамі ў 2003 годзе, а на шматлікія спробы праваабаронцаў легалізаваць сваю арганізацыю Мінюст адказваў адмовай. Грошы, якія пералічваліся на рахункі Бяляцкага, выкарыстоўваліся для аказання дапамогі ахвярам палітычных рэпрэсій у Беларусі.
Цяпер чытаюць
Каб не трапіць на Акрэсціна, мінчук збег жыць у лес — вось яго гісторыя8
Каментары