Кожнае пятае дзіця ў Беларусі нараджаецца ў незарэгістраваным шлюбе. Пра гэта паведаміла намеснік начальніка ўпраўлення народанасельніцтва, гендэрнай і сямейнай палітыкі Міністэрства працы і сацыяльнай абароны Марына Арцёменка 11 студзеня на пасяджэнні круглага стала ў Мінску.
Паводле яе слоў, беларуская сям'я значна змянілася за апошняе дзесяцігоддзе. Акрамя такіх тэндэнцый, як арыентацыя на сям'ю з адным дзіцём, адкладанне нараджэння дзяцей і ўступлення ў шлюб, адзначаецца рост колькасці пазашлюбных саюзаў. Калі па дадзеных перапісу 1999 года такіх саюзаў было 5-6%, то паводле апошніх дадзеных - ужо 8%. Адзначаецца таксама рост колькасці дзяцей, якія нараджаюцца ў незарэгістраваных шлюбах: сёння яны складаюць ужо амаль 20% усіх дзяцей.
Як лічыць вядучы кансультант Мінскага гарадскога цэнтра сацыяльнага абслугоўвання сям'і і дзяцей Анатоль Аладзін, сучаснае грамадства стала больш памяркоўным да розных формаў сям'і. У такой сітуацыі некаторыя маладыя пары не рэгіструюць свой саюз пасля нараджэння дзіцяці для таго, каб атрымліваць большую дапамогу. Для адзінокай маці дапамога па дагляду за дзіцём да паўтара гадоў удвая вышэй, а дапамога па дагляду за дзіцём ад паўтара да трох гадоў -- у паўтара раза вышэй, чым для маці, якая знаходзіцца ў шлюбе. Па заканчэнні трох гадоў такія пары, як правіла, рэгіструюць свой саюз.
Аладзін лічыць рост незарэгістраваных шлюбаў негатыўнай тэндэнцыяй, якая сведчыць аб крызісе інстытута шлюбу. Паводле яго слоў,
рост колькасці сужыццяў вядзе да росту колькасці сацыяльных сірот.
Цяпер чытаюць
Лукашэнку на свяце ў Александрыі суправаджала афіцэр Зайцава20
Каментары