Андрэй Курэйчык упусціў на рэйкі метро IPad са сцэнарамі
Здарэнне адбылося позна ўвечары ў сераду на станцыі «Маскоўская».
— Я паказваў сябру ўрыўкі з новага сцэнара, і раптам мой IPad выслізнуў з рук і ўпаў на рэйкі, распавёў сцэнарыст і рэжысёр Андрэй Курэйчык.
Курэйчык вяртаўся дадому з прэзентацыі альбома новай групы.
На дапамогу сцэнарысту адразу ж прыйшла працаўніца метрапалітэна з палкай, але выцягнуць планшэт ёй не ўдалося. Гаджэт затрымаўся паміж кантактнай рэйкай і платформай.
— Каб дастаць прыладу, трэба адключыць напругу, але зрабіць гэта можна будзе, толькі калі вагоны перастануць хадзіць.Нічога з ім не здарыцца, — запэўнівала жанчына і яшчэ раз нагадвала сцэнарысту, каб не падыходзіў да краю платформы.
Курэйчык жа літаральна да яе прырос і з надзеяй глядзеў на рэйкі.
— У мяне там усе сцэнары, —
А потым пачаў пісаць заяву аб страце. Праз пару хвілін прыйшоў цягнік, і ці ацалеў планшэт, а разам з ім усе геніяльныя сцэнары творцы, заставалася толькі варажыць.
— Гэта была бяссонная ноч, але IPad ужо ў мяне, — у чацвер распавёў сцэнарыст. — Учора я патлумачыў, што на ім вельмі важная інфармацыя, і ў маё становішча ўвайшлі.
Работнікі метро нават самі прывезлі мне яго дадому рана раніцай.За гэта я падарыў ім сваю кнігу. Планшэт цэлы!
Цяпер чытаюць
«Што вы гадасць амерыканскую падсоўваеце?» Лукашэнка загадаў, каб у Мак.by ўсё было беларускае3
Каментары