Куба: Кастра ачуньвае і зноў прыме ўдзел у выбарах
Выздараўленьне Кастра праходзіць вельмі пасьпяхова, і гэта павінна дазволіць яму пераабірацца ў парлямэнт вясной наступнага году.
Выздараўленьне Кастра праходзіць вельмі пасьпяхова, і гэта павінна дазволіць яму пераабірацца ў парлямэнт вясной наступнага году.
З гэткім прагнозам выступіў учора перад журналістамі кіраўнік кубінскага Нацыянальнага Сходу Рыкарда Аларкон, які нагадаў, што гэта будзе першым крокам Кастра у прэзыдэнцкай гонцы. Пасьля заканчэньня паседжаньня парлямэнту ён запэўніў, што «Кастра вельмі заангажаваны, вельмі актыўны ў працэсе прыняцьця важных для краіны рашэньняў».
– Ён ня робіць гэта, зразумела, так, як раней, бо значную частку ягонага часу займае ўсё тое, што зьвязана з выздараўленьнем – сказаў Аларкон.
27 лютага ў праграме «Алё, спадар прэзыдэнт!» Кастра больш за паўгадзіны размаўляў з вэнэсуэльскім прэзыдэнтам Уга Чавэсам.
80‑гадовы Фідэль Кастра перанёс у ліпені мінулага году апэрацыю стрававальнага каналу. На час выздараўленьня ён перадаў уладу свайму брату, 75‑гадоваму Раулю.
Цяпер чытаюць
Ці спыніліся звальненні па палітычных матывах? Вось што расказалі ў некалькіх дзяржаўных арганізацыях3
Каментары