Дакументы на рэгістрацыю ініцыятыўнай групы па змяненні выбарчага заканадаўства будуць перададзеныя ў Цэнтрвыбаркам да 20 мая. Пра гэта паведаміў кіраўнік групы кандыдат у прэзідэнты на выбарах 2010 года Дзмітрый Ус 3 мая напрэс-канферэнцыі ў Мінску.
Паводле яго слоў, сход ініцыятыўнай групы прайшоў 1 мая «ў поўнай адпаведнасці з беларускім заканадаўствам». «Мы чатыры разы звярталіся ў Мінгарвыканкам па дазвол на правядзенне сходу. Але кожны раз нам адмаўлялі. Тым не менш, абавязковага дазволу на правядзенне сходу ініцыятыўнай групы закон не патрабуе», — сказаў ён.
Ус паведаміў, што сход ініцыятыўнай групы праходзіў у Мінску на пляцоўцы перад будынкам па вуліцы Наватарскай. У мерапрыемстве ўзялі ўдзел 151 чалавек з 300 членаў ініцыятыўнай групы.
Ініцыятыўная група мае намер унесці ў выбарчае заканадаўства наступныя папраўкі: даць кандыдатам у прэзідэнты і дэпутаты права на ўключэнне іх прадстаўніка ва ўчастковыя выбарчыя камісіі; абавязаць выбарчыя камісіі пры падліку галасоў выстаўляць на агляд назіральнікаў кожны бюлетэнь; даць права кожнаму члену ўчастковых камісій ставіць свае подпісы на выбарчых бюлетэнях.
Ус таксама зазначыў, што ў ініцыятыўную групу ўваходзяць «простыя грамадзяне». Паводле яго слоў, апазіцыйныя структуры прамога садзеяння ў правядзенні сходу не аказвалі.
Неабходнасць змянення выбарчага заканадаўства была адной з галоўных ідэй перадвыбарнай праграмы Дзмітрыя Уса на прэзідэнцкіх выбарах 2010 года. Меркаваныя папраўкі, на думку Уса, дазволяць пазбегнуць незаконнага ўкідвання ў скрыні падчас датэрміновага галасавання і фальсіфікацый падчас падліку галасоў.
Цяпер чытаюць
Найбуйнейшую сетку фастфуду ў Беларусі адкрыў выхадзец з КДБ7
Каментары