Еўрапейскі суд не стаў абараняць мовы праграмавання аўтарскім правам
Еўрапейскі суд разгледзеў позву кампаніі SAS Institute да World Programming (WPL) і пастанавіў, што мовы праграмавання і функцыянальнасць камп’ютарных праграм не могуць быць аб'ектам аўтарскага права.
На думку экспертаў, такое рашэнне можа адкрыць дарогу іншым софтверным кампаніям, якія з дапамогай зваротнага інжынірынгу зоймуцца «распрацоўкай» уласнага праграмнага абсталявання.
Раней амерыканская SAS Institute, што займаецца распрацоўкай і рэалізацыяй папулярнага статыстычнага пакета, падала ў суд на кампанію WPL, што стварыла ўласны дадатак для запуску напісаных для SAS праграм. Для гэтага WPL легальна набыла копію пакета SAS для наступнай распрацоўкі функцыянальнага аналага прадукту, выкарыстоўваючы дэкампіляцыю аб'ектнага кода, паведамляе OpenNET.
На думку SAS, кампанія WPL прысвоіла інтэлектуальную ўласнасць і парушыла ліцэнзійнае пагадненне, якое забараняла дэкампіляцыю і вывучэнне ўнутранай будовы праграмнага абсталявання. Аднак суд у выніку прыняў бок WPL, назваўшы зваротны інжынірынг легальным спосабам стварэння функцыянальных аналагаў наяўных прадуктаў. Згаданыя забароны, у сваю чаргу, прызнаныя незаконнымі.
Калега памерлага выкладчыка Шчукіна: Яго кінула жонка з дзецьмі, пачалася дэпрэсія. У выніку звольнілі за прагулы8
Каментары