У Магілёве судзяць міліцыянтаў, якія незаконна затрымалі групу дэмактывістаў
На лаве падсудных шэсьць чалавек.
Пачаты 5 красавіка ў Магілёве суд над супрацоўнікамі міліцыі за незаконнае затрыманне ў снежні 2006 года групы грамадскіх актывістаў працягнецца ў панядзелак, 9 красавіка.
Сёння ў зале суда былі дапытаны шэсць міліцыянераў. «Паказанні супрацоўнікаў міліцыі не адпавядалі таму, што было напісана ў іх рапартах, — паведаміў БелаПАН магілёўскі праваабаронца Барыс Бухель. — Яны пастаянна блыталіся. Гэты працэс — навука для міліцыянераў, каб у будучым яны задумваліся над тым, ісці на парушэнне закона ці не і ці выконваць сумнеўныя загады сваіх кіраўнікоў. Яны яшчэ доўга будуць абмярковаць гэты суд паміж сабой».
9 красавіка будзе дапытаны яшчэ адзін супрацоўнік міліцыі, які не з’явіўся ў суд.
Нагадаем, 16 снежня 2006 года па дарозе на Мінск на адлегласці некалькі кіламетраў ад райцэнтра Бялынічі было спынена маршрутнае таксі, у якім знаходзілася 13 чалавек. Яны накіроўваліся на ўстаноўчую канферэнцыю Саюза левых партый у Чарнігаў (Украіна). Супрацоўнікі ДАІ прапанавалі вярнуцца ў Магілёў для праверкі дакументаў на мікрааўтобус. Вяртаючыся ў абласны цэнтр, пасажыры маршрутнага таксі вырашылі выйсці на адным з прыпынкаў горада, каб самастойна дабрацца да чыгуначнага вакзала і ў Жлобіне сесцi на цягнік да Чарнігава. Калі пасажыры выходзілі з мікрааўтобуса, да прыпынку пад’ехала яшчэ адна машына ДАІ, і дэлегатаў, вылучаных на канферэнцыю, супрацоўнікі мiлiцыi пачалі запіхваць у мікрааўтобус, прымяняючы фізічную сілу. Затрыманым было сказана, што яны павінны быць дастаўлены ў РАУС для праверкі дакументаў. Сярод тых, хто сілай быў пасаджаны ў мікрааўтобус, апынуліся Аляксандр Каралёў, Аляксей Паўлоўскі, Ірына Качарова і Юрый Дарашэнка. Пасведчанні кандыдатаў у дэпутаты мясцовых саветаў на супрацоўнікаў ДАІ ніяк не падзейнічалі.
-
Плітку ў гомельскіх школах замест рабочых клалі настаўнікі
-
Качанава: З задавальненнем пачытала Захара Прылепіна. А з любімага — Пушкін, Талстой і праваслаўная літаратура
-
«Ён казаў, што золата з сабой не забярэш, лепей зрабіць нешта для іншых». Дачка бізнэсмена Каліна расказала, як разам з братам чакае яго з калоніі
Каментары