Улады ЗША накіравалі ў Лівію антытэрарыстычнае падраздзяленне марской пяхоты для абароны амерыканскіх аб’ектаў, паведамляе СNN.
Такім чынам, адміністрацыя ЗША збіраецца выканаць абяцанне Барака Абамы. Каментуючы навіну пра забойства ў Лівіі амерыканскага пасла, прэзідэнт ЗША паабяцаў зрабіць усё неабходнае, каб абараніць персанал, які знаходзіцца ў Лівіі, а таксама ўзмацніць ахову сваіх консульстваў па ўсім свеце.
Раней дзяржсакратар ЗША Хілары Клінтан заявіла, што здарэнне не стане перашкодай для сяброўскіх адносін паміж краінамі.
«Дружба з Лівіяй не стане ахвярай нападу. Свабода і стабільнасць Лівіі ў інтарэсах ЗША», — патлумачыла Клінтан.
Пасол ЗША ў Лівіі Крыстафер Стывенс у аўторак, 11 верасня, у дзень гадавіны тэракту ў Сусветным гандлёвым цэнтры ў
У мінулым годзе Стывенс быў пасярэднікам у перамовах з лівійскім паўстанцкім рухам, які пазней зрынуў рэжым Муамара Кадафі.
Каментары