Паўлючэнка: Вольга Сямашка хацела атрымаць для аўдыту менавіта фонд «Разам»
«Я палез у наш чацік, у якім усё абмяркоўвалася, і хачу сказаць, што не рандомна Вольга Сямашка атрымала для праверкі гэты фонд».
У аўтарскім праекце рэдактараў Reform.news «Саша, что ты несёшь?!» яго аўтары — Аляксандр Атрошчанкаў і Фёдар Паўлючэнка — абмеркавалі тое, што Альянс расследвальнікаў Беларусі заступіўся за Вольгу Сямашка і «напісаў, што ўсё гэта няпраўда».
Па словах Атрошчанкава, ён два разы прачытаў матэрыял і не зразумеў, што няпраўда.
«Аргумент мне спадабаўся: «Мы не знайшлі доказаў, што муж Сямашкі працуе ў нейкай сілавой структуры», — дзеліцца мужчына.
Нагадаем, што муж Сямашкі Фёдар Гарбачоў мае пашпарт прыкрыцця.
«Наша Ніва» звяртала ўвагу на той факт, што жанчына пасля «Марафону салідарнасці» праводзіла аўдыт фонду «Разам» і такім чынам мела доступ да ўразлівай інфармацыі. Праз некалькі тыдняў пасля аўдыту «Разам» аднаго з людзей, згаданых у спісе, арыштавалі ў Беларусі.
Фёдар Паўлючэнка заўважыў, што разам з Вольгай Сямашкай уваходзіў у назіральную раду Марафона. Альянс расследвальнікаў папрасіў двух іншых удзельнікаў назіральнай рады — галоўнага рэдактара «Еўрарадыё» Паўла Свярдлова і былога супрацоўніка «Белсата» Ігар Кулея — расказаць, якім чынам размяркоўваліся для аўдыту фонды, якія атрымалі грошы ад Марафону.
«І там Свярдлоў, па-мойму, ці хто там [сказаў] тыпу рандомна-рандомна, выпадкова гэта ўсё [адбывалася]. Што нібыта павінна пацвердзіць, што фонд «Разам» Сямашка атрымала выпадкова, што яна не выбірала, які фонд канкрэтна хоча правяраць», — кажа Паўлючэнка.
«Я палез (…) у наш чацік, у якім усё абмяркоўвалася, і хачу сказаць, што не рандомна Вольга Сямашка атрымала для праверкі, для аўдыту фонд «Разам». Яна хацела менавіта гэты фонд», — сцвярджае Паўлючэнка.
Па словах мужчыны, ён не можа сказаць, чым было абумоўлена такое жаданне.
«Альянс расследвальнікаў гэта [расследаванне] зрабілі, таму што яны сапраўды цярпяць рэпутацыйныя выдаткі, бо Вольга Сямашка з імі супрацоўнічала. (…) Альянс паспрабаваў абяліць сябе ў тым ліку, даказваючы, што Вольга Сямашка не вярблюд. Але атрымалася так сабе», — дадае Паўлючэнка.
Вольга Сямашка прыняла рашэнне прыпыніць супрацу з беларускімі праектамі
«Думаеце, я гэты пашпарт дома не шукала?» Вольга Сямашка пракаментавала сітуацыю з дакументам прыкрыцця свайго мужа
«Бачу помсту за маю працу». Вольга Сямашка адрэагавала на расследаванне «НН»
Фёдар Віктаравіч і «Віктар Фёдаравіч». Супрацоўнік «Варгеймінга» мае пашпарт прыкрыцця. Яго жонка Вольга Сямашка — вядомая журналістка
Цяпер чытаюць
Аляксандр Лукашэнка пракульгаў па чырвонай дарожцы на плошчы Цяньаньмэнь. Коля выконваў ролю ахоўніка10
Аляксандр Лукашэнка пракульгаў па чырвонай дарожцы на плошчы Цяньаньмэнь. Коля выконваў ролю ахоўніка
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7979
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення79
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове33
Каментары
Дробнатраўчатыя разборкі і грызня нікому не цікавых персанажаў, пра якія 99% беларусаў не ведае і ведаць не хоча. Паскудства і абсалютнае выдаленне ад народа, Бастыён Беларушчыны.
І чаму вы не адказваеце на пытанні пра хаванне інфармацыі ад грамадства Вячоркам? Гэта нашмат большае злачынства, чым менне мужа-агента. Зеркала чакала месяцамі адказаў на свае пытанні - у вас іх увогуле, відаць, няма да гэтых асобаў.