НІСЭПД апублікавала вынікі новага нацыянальнага апытання.
Перадвыбарчы ўпрыск грошай у эканоміку і заробкі палепшыў «эканамічнае самаадчуванне».У параўнанні з чэрвенем колькасць тых, чыё матэрыяльнае становішча за апошнія тры месяцы пагоршала, зменшылася на 7% (25% супраць 32%, у снежні было амаль 60%). Настолькі ж зменшылася колькасць тых, хто лічыць, што беларуская эканоміка знаходзіцца ў крызісе (64% супраць 71%, у снежні было 82%).
Трохі вырасла і колькасць тых, хто лічыць, што «ў цэлым становішча справаў у нашай краіне развіваецца ў правільным кірунку» (34% супраць 26% у снежні).Аднак у цэлым пазітыўнае «эканамічнае самаадчуванне»
28% апытаных лічаць, што «сацыяльна-эканамічная сітуацыя ў Беларусі ў бліжэйшыя гады пагоршае» і толькі 18% — што палепшае. Як бачна, няўстойлівасць беларускай мадэлі, пра якую кажуць шматлікія эксперты, адчуваецца і мільёнамі нашых суграмадзян.
Гэтая няўстойлівасць непазбежна адбіваецца на стаўленні беларусаў да ўладаў. Само разуменне моцнай дзяржавы мяняецца. Так,
на пытанне: «Ці згодныя Вы з тым, што моцны лідар можа сёння даць краіне больш, чым добрыя законы?» — станоўча адказалі 43%, а адмоўна — 49%.Пра гэта сведчыць і фактычная «стабілізацыя» рэйтынгу кіраўніка дзяржавы: нягледзячы на адзначанае паляпшэнне «эканамічнага самаадчування»,
рэйтынг Аляксандра Лукашэнкі не вырас. Цяпер ён складае 32% (у сакавіку ён складаў 35%).Да «эканамічнай трывогі» дадаецца «пачуцце несправядлівасці ўлады». Траціна апытаных сказалі, што за апошнія тры гады іх крыўдзілі прадстаўнікі органаў улады.
У той жа час расце незадаволенасць ўладамі. Яна адбілася на тым, што за чатыры гады суадносіны тых, хто прагаласаваў на выбарах у палату ў верасні 2008 года за кандыдата — прыхільніка прэзідэнта, незалежнага кандыдата і прыхільніка апазіцыі прыкметна змянілася не на карысць уладаў: 23%, 20% і 7% адпаведна (у 2008 годзе было 31%, 16% і 5% адпаведна).Пры гэтым большасць беларусаў
Вынікі выбараў не адпавядаюць чаканням значнай часткі грамадства і не асабліва хвалююць большасць. Сур’ёзных пераменаў у сваім жыцці мільёны беларусаў не чакалі ад гэтых выбараў да іх правядзення, не чакаюць і пасля.
На фоне ўсяго гэтага выраслі праеўрапейскія сімпатыі беларусаў.Калі яшчэ ў чэрвені пры неабходнасці выбару паміж аб’яднаннем з Расіяй і ўступленнем ў Еўрапейскі Саюз за першы варыянт выказваліся 44%, а за другі — 40%, то сёння гэта суадносіны стала адваротнымі: 36% і 44%. Магчыма, расійская падтрымка, дзякуючы якой з канца мінулага года і пачалася эканамічная стабілізацыя, стала выклікаць пытанні ў «масавага беларуса».
Так, рашэнне беларускага ўрада аб продажы сваёй долі ў газатранспартным прадпрыемстве «Белтрансгаз», якое цалкам перайшло ва ўласнасць расійскага газавага канцэрна «Газпрам», станоўча ацаніла толькі 10% рэспандэнтаў, амаль 30% ацанілі адмоўна, «але ў Беларусі не было іншага выйсця», а 43% наўпрост сказалі, што «Белтрансгаз» нельга было прадаваць».Грамадская думка застаецца таксама катэгарычна супраць продажу камбіната па здабычы калійных соляў «Беларуськалій».
У той жа час гаварыць аб новым «павароце да Еўропы», мякка кажучы, заўчасна.Так, ацэньваючы нашумелы летам «плюшавы дэсант» з Швецыі ў Беларусь, «смелым пратэстам супраць парушэння правоў чалавека» яго назвалі 23% апытаных, «правакацыяй заходніх спецслужбаў» палічылі 14%, а «дурным учынкам» — 32%, яшчэ столькі нават " не ведаюць, пра што ідзе гаворка».
Цяпер чытаюць
Што здарылася з выкладчыкам БНТУ Міхаілам Шчукіным, які памёр пры затрыманні. Версія міліцыі10
Каментары