NISEPD apublikavała vyniki novaha nacyjanalnaha apytańnia.
Pieradvybarčy ŭprysk hrošaj u ekanomiku i zarobki palepšyŭ «ekanamičnaje samaadčuvańnie».U paraŭnańni z červieniem kolkaść tych, čyjo materyjalnaje stanovišča za apošnija try miesiacy pahoršała, źmienšyłasia na 7% (25% suprać 32%, u śniežni było amal 60%). Nastolki ž źmienšyłasia kolkaść tych, chto ličyć, što biełaruskaja ekanomika znachodzicca ŭ kryzisie (64% suprać 71%, u śniežni było 82%).
Trochi vyrasła i kolkaść tych, chto ličyć, što «ŭ cełym stanovišča spravaŭ u našaj krainie raźvivajecca ŭ pravilnym kirunku» (34% suprać 26% u śniežni).Adnak u cełym pazityŭnaje «ekanamičnaje samaadčuvańnie»
28% apytanych ličać, što «sacyjalna-ekanamičnaja situacyja ŭ Biełarusi ŭ bližejšyja hady pahoršaje» i tolki 18% — što palepšaje. Jak bačna, niaŭstojlivaść biełaruskaj madeli, pra jakuju kažuć šmatlikija ekśpierty, adčuvajecca i miljonami našych suhramadzian.
Hetaja niaŭstojlivaść niepaźbiežna adbivajecca na staŭleńni biełarusaŭ da ŭładaŭ. Samo razumieńnie mocnaj dziaržavy mianiajecca. Tak,
na pytańnie: «Ci zhodnyja Vy z tym, što mocny lidar moža siońnia dać krainie bolš, čym dobryja zakony?» — stanoŭča adkazali 43%, a admoŭna — 49%.Pra heta śviedčyć i faktyčnaja «stabilizacyja» rejtynhu kiraŭnika dziaržavy: niahledziačy na adznačanaje palapšeńnie «ekanamičnaha samaadčuvańnia»,
rejtynh Alaksandra Łukašenki nie vyras. Ciapier jon składaje 32% (u sakaviku jon składaŭ 35%).Da «ekanamičnaj tryvohi» dadajecca «pačućcie niespraviadlivaści ŭłady». Tracina apytanych skazali, što za apošnija try hady ich kryŭdzili pradstaŭniki orhanaŭ ułady.
U toj ža čas raście niezadavolenaść ŭładami. Jana adbiłasia na tym, što za čatyry hady suadnosiny tych, chto prahałasavaŭ na vybarach u pałatu ŭ vieraśni 2008 hoda za kandydata — prychilnika prezidenta, niezaležnaha kandydata i prychilnika apazicyi prykmietna źmianiłasia nie na karyść uładaŭ: 23%, 20% i 7% adpaviedna (u 2008 hodzie było 31%, 16% i 5% adpaviedna).Pry hetym bolšaść biełarusaŭ
Vyniki vybaraŭ nie adpaviadajuć čakańniam značnaj častki hramadstva i nie asabliva chvalujuć bolšaść. Surjoznych pieramienaŭ u svaim žyćci miljony biełarusaŭ nie čakali ad hetych vybaraŭ da ich praviadzieńnia, nie čakajuć i paśla.
Na fonie ŭsiaho hetaha vyraśli prajeŭrapiejskija simpatyi biełarusaŭ.Kali jašče ŭ červieni pry nieabchodnaści vybaru pamiž abjadnańniem z Rasijaj i ŭstupleńniem ŭ Jeŭrapiejski Sajuz za pieršy varyjant vykazvalisia 44%, a za druhi — 40%, to siońnia heta suadnosiny stała advarotnymi: 36% i 44%. Mahčyma, rasijskaja padtrymka, dziakujučy jakoj z kanca minułaha hoda i pačałasia ekanamičnaja stabilizacyja, stała vyklikać pytańni ŭ «masavaha biełarusa».
Tak, rašeńnie biełaruskaha ŭrada ab prodažy svajoj doli ŭ hazatranspartnym pradpryjemstvie «Biełtranshaz», jakoje całkam pierajšło va ŭłasnaść rasijskaha hazavaha kancerna «Hazpram», stanoŭča acaniła tolki 10% respandentaŭ, amal 30% acanili admoŭna, «ale ŭ Biełarusi nie było inšaha vyjścia», a 43% naŭprost skazali, što «Biełtranshaz» nielha było pradavać».Hramadskaja dumka zastajecca taksama kateharyčna suprać prodažu kambinata pa zdabyčy kalijnych solaŭ «Biełaruśkalij».
U toj ža čas havaryć ab novym «pavarocie da Jeŭropy», miakka kažučy, zaŭčasna.Tak, aceńvajučy našumieły letam «plušavy desant» z Šviecyi ŭ Biełaruś, «śmiełym pratestam suprać parušeńnia pravoŭ čałavieka» jaho nazvali 23% apytanych, «pravakacyjaj zachodnich śpiecsłužbaŭ» paličyli 14%, a «durnym učynkam» — 32%, jašče stolki navat " nie viedajuć, pra što idzie havorka».
Ciapier čytajuć
Što zdaryłasia z vykładčykam BNTU Michaiłam Ščukinym, jaki pamior pry zatrymańni. Viersija milicyi12
Kamientary