Пасольствы Расіі і Літвы закідвалі кактэйлямі Молатава, у пасольсве Чэхіі рвалі сцяг.
1997
У ноч на 1 красавіка будынак пасольства Расіі быў абстраляны з аўтамата Калашнікава. Сляды ад куль былі знойдзеныя не толькі на сценах амбасады, але і суседняга жылога дома. Побач з месцам здарэння быў знойдзены кінуты аўтамат і некалькі стрэляных гільзаў. Ніхто не пацярпеў.
2001
У ноч на 1 чэрвеня на тэрыторыю расійскага пасольства невядомыя кінулі выбухоўку. Была пашкоджаная агароджа, ніхто не пацярпеў. Інфармацыйныя агенцтвы паведамлялі пра выбух гранаты РГД-5, супрацоўнікі пасольства заявілі пра выбухпакеты. Адказнасць за выбух пазней узяў на сябе Славамір Адамовіч, але праваахоўныя органы не прынялі гэтых заяваў усур'ёз. Прынамсі, следства не вялося.
2008
2 лютага інцыдэнт здарыўся на тэрыторыі пасольства Чэхіі. Тут быў парваны дзяржаўны сцяг краіны, разбіта акно ў будынку і лабавое шкло ў дыпламатычным аўто. Міліцыя затрымала па падазрэнні ў здзейсненым маладога чалавека 1981 г.н.. завялі крымінальную справу.
У ноч на 25 ліпеня невядомыя закідалі будынак пасольства Літвы бутэлькамі з фарбай, раскідалі ўлёткі нацыянал-бальшавіцкай партыі, а сімволікай НБП размалявалі плот.
2010
У ноч на 31 жніўня на тэрыторыю расійскай амбасады былі кінутыя пляшкі з запальнай сумессю. У выніку згарэў службовы легкавік. Ніхто з супрацоўнікаў амбасады не пацярпеў. Па справе аб нападзе былі затрыманыя і асуджаныя на розныя тэрміны анархісты Ігар Аліневіч, Мікалай Дзядок, Аляксандр Францкевіч і Максім Веткін.
2012
6 лістапада невядомыя кінулі на тэрыторыю пасольства Літвы дзве бутэлькі з «кактэйлем Молатава». Ніхто не пацярпеў. Узгаранне згасілі літоўскія паліцыянты, якія ахоўваюць пасольства.
Павел Вінаградаў упершыню расказвае, як яго закінулі на самае дно беларускай турмы. Як гэта — калі суседзі за цыгарэту ядуць чужое гаўно18
Каментары