Суд Жлобінскага раёна вынес пастанову па крымінальнай справе, распачатай па факце спробы тэрарыстычнага акту 24 мая.
Нагадаем, 24 мая супрацоўнікамі МУС на месцы ўчынення злачынства быў затрыманы мужчына, які «ў масцы з надпісам на арабскай мове і з ужываннем ёмістасцяў з запальнай сумессю і самаробнай выбуховай прыладай магутнасцю прыкладна 5 кг у тратылавым эквіваленце спрабаваў учыніць тэрарыстычныя дзеянні ў дачыненні да супрацоўнікаў падраздзялення міліцыі па месцы іх дыслакацыі ў Жлобіне».
1 чэрвеня затрыманаму было прад’яўлена абвінавачанне паводле ч. 1 арт. 289 КК (замах на ўчыненне акту тэрарызму) і арт. 295 (незаконныя дзеянні са зброяй і боепрыпасамі).
У судзе Жлобінскага раёна паведамілі, што ў абвінавачванага яшчэ на стадыі следства была прызнаная поўная адсутнасць памяці. Пастанова суда вынесена 29 кастрычніка на закрытым пасяджэнні. Яна яшчэ не набыла законную моц, і яе пакуль ніхто не абскардзіў.
Пастанова суда — вызваліць абвінавачванага ад крымінальнай адказнасці за ўчыненне злачынстваў у стане поўнай адсутнасці памяці, прызначыць прымусовыя меры бяспекі і лячэння ў псіхіятрычным стацыянары са строгім назіраннем. Тэрмін лячэння вызначаць псіхіятры. Абвінавачваны ў дачыненні да інкрымінуемых дзеянняў не ўсведамляў іх значэння і не мог кіраваць імі. Ён, паводле заключэння экспертызы, уяўляе небяспеку для грамадства. Пакуль шалёны тэрарыст знаходзіцца ў СІЗА.
Нагадаем, раней КДБ паведамляў, што «вынікі неадкладных следчых дзеянняў і апытання пацвердзілі прыхільнасць абвінавачванага да ідэй радыкальнага ісламізму.Паводле яго заяў, асноўнай мэтай учынення тэракту было запалохванне насельніцтва і імкненне адпомсціць органам міліцыі».
Следствам у ліку іншых прапрацоўвалася версія аб тым, што супрацьпраўныя дзеянні абвінавачванага могуць з’яўляцца зваротнай рэакцыяй на спыненне праваахоўнымі органамі шэрагу каналаў нелегальнай міграцыі з краін з тэрарыстычнай актыўнасцю ў Еўропу і затрыманне асоб, якія маюць дачыненне да іх арганізацыі.
10 кастрычніка агенцтва БелТА паведамляла, што «КДБ правярае сувязь жлобінскага тэрарыста з арганізаванай злачыннай групай».Пра гэта карэспандэнту агенцтва паведамілі ў Камітэце дзяржаўнай бяспекі Беларусі.
«У асобную вытворчасць вылучаны матэрыялы пра наяўнасць сувязяў грамадзяніна, устаноўленых пры дапамозе сеткі інтэрнэт, з арганізаванай злачыннай групай па перапраўцы грамадзян Афганістана ў адну з еўрапейскіх краін. Будзе працягнута расследаванне дзейнасці прадстаўнікоў крымінальных колаў па помсце праваахоўным органам за спыненне супрацьпраўнай дзейнасці аднаго з лідараў злачыннай групы», — гаварылася ў паведамленні БелТА.
Цяпер чытаюць
Мсціслаў Мекта: яшчэ адзін рэцыдывіст рвецца ва ўладу, прыкінуўшыся спецназаўцам-ябацькам16
Каментары