Напэўна нездарма ў сакавіку спяцслужбы трэслі Івянецкую школу, бо як стала вядома, большасць навучэнцаў яе выбіраюць вольную беларускую музыку!!!
Яна ідзе з намі па жыцці, прымшае ўсміхнуцца ці, наадварот, заплакаць. Музыка... Без яе немагчыма ўявіць сучаснае грамадства. Гэта не проста сродак баўлення часу. Па тым, якую музыку слухае чалавек, можна шмат даведацца: настрой, характар і нават сацыяльная становішча.
Якую ж музыку слухае моладзь? Адказаць на пытанне на падставе меркаванняў аднаго ці двух чалавек немагчыма. Таму мною было праведзена невялічкае апытанне сярод вучняў Івянецкай школы ва ўзросце ад 13 да 18 гадоў, што дазволіла высветліць шмат цікавых рэчаў.
Абсалютная большасць рэспандэнтаў (93%) вельмі часта слухае музыку. 44 % апытаных выбіраюць рок-выканаўцаў, на другой пазіцыі - прыхільнікі папулярнай музыкі (37%). Мне, прадстаўніку маладога пакадення, вельмі прыемна, што мае равеснікі аддаюць перавагу такому напрамку, як рок. У многіх людзей, дылетантаў у музыцы, існуе стэрэатап, што рок-музыканты - "валасатыя мужыкі", якія скачуць па сцэне, іграюць так гучна, што і слоў не разабраць... Але гэта зусім не так! У першую чаргу рок - гэта сэнс. Пад такія песні не заўсёды зручна танцаваць, але яны прымушаюць задумацца. Таму і прыемна, што моладзь слухае такую музыку, а значыць - думае.
Беларуская зямля славіцца сваімі артыстамі, таму я прапанаваў адказаць наконт любімага беларускага выканаўцы. Сярод іх найбольш папулярныя, як выявілася, беларускія рок-гурты: J-Mors, NRM, BN.На другім месцы - Дзмітрый Калдун, які яскрава выступіў на міжнародным конкурсе "Еўрабачане - 2007". 36% рэспандэнтаў адказалі, што не ведаюць ці не слухаюць нашу музыку.
Напрыканцы - факт, які мяне засмуціў: толькі 3% апытаных выбіраюць у якасці "музычнага суправаджэння" класічныя творы. Між тым, як вядома, менавіта пад класіку (для большай дзейнасці) рэкамендуецца працаваць інтэлектуальна. Кампазіцыі Моцарта, Бетховена і іншых класікаў ніякім чынам не павінны сысці з нашага жыцця!
:Ну што ж, гэты яшчэ раз паказвае на тое, што Івянец, а менавіта івянецкая моладзь з'яўляецца адной з самых патрыятычных і адданых сапраўднай Свабоднай Беларусі! Яшчэ б правільна накіраваць яе - і было б лепі, а тое апазіцыя толькі і можа, што праводзіць кангрэсы, ды яшчэ вырашаць на іх не тое, што патрэбна на самой справе...
«Набірала ваду з унітазнага бачка для гатавання, мыцця». Ганна Бонд шчыра распавяла пра цяжкае дзяцінства13
Каментары