№ 32 (153), 29 лістапада 1999 г.
спорт
Лукашэнка ня даў баскетбалістам трэніравацца
Яны прайгралі палякам 76:81
Сустрэчы папярэднічала пара канфузаў. Спачатку палякаў, якія прыляцелі на папярэднія гульні, больш за дзьве гадзіны пратрымалі ў аэрапорце «Менск-2», знайшоўшы быццам нейкія недахопы ў дакумэнтах. Пасьля, у дзень гульні, беларускія баскетбалісты, якія прыехалі на ранішнюю трэніроўку, не маглі трапіць у Палац — дзьверы былі блякаваныя ланцугом амону. На малой арэне Палацу гуляў у хакей Лукашэнка з кампаніяй. На довады «мы баскетбалісты» ахова не рэагавала.
Праз паўгадзіны баскетбалістаў нарэшце пусьцілі. Таксама з-за Лукашэнкі на 3 гадзіны адцягнулі продаж квіткоў у касах Палацу спорту, і пары дзясяткаў балельшчыкаў давялося памерзнуць.
Сам жа матч атрымаўся досыць цікавы. Беларусы 30 з 40 хвілінаў вялі ў ліку, але пад канец стаміліся і прайгралі, што засмуціла 3000 балельшчыкаў, якія добра крылі матам нашых легіянэраў, выходзячы з залі.
Аляксей Шыдлоўскі
Цяпер чытаюць
Ездзілі шукаць нават у БССР, а неапазнанае цела 30 гадоў ляжала ў спецсховішчы. Новыя дэталі загадкавага знікнення ў ЗША беларускага пісьменніка Міколы Цэлеша22
Каментары