З патрабаваннем аб вывучэнні навучэнцамі гарадзенскіх школ гісторыі Беларусі па беларускамоўных падручніках звярнуліся да міністра адукацыі прадстаўнікі Грамадскага аб’яднання «Таварыства беларускай мовы імя Ф. Скарыны» і гродзенскага гарадскога аддзялення Грамадскага аб’яднання «Таварыства беларускай школы».
З патрабаваннем аб вывучэнні навучэнцамі гарадзенскіх школ гісторыі Беларусі па беларускамоўных падручніках звярнуліся да міністра адукацыі прадстаўнікі Грамадскага аб’яднання «Таварыства беларускай мовы імя Ф. Скарыны» і гродзенскага гарадскога аддзялення Грамадскага аб’яднання «Таварыства беларускай школы».
Паводле прэсавай службы Руху «За Свабоду» грамадскія актывісты выказалі нязгоду ў сувязі з сучасным станам арганізацыі выкладання курса «Гісторыі Беларусі» ў класах 12‑гадовага навучання ў сярэдніх навучальных установах нашай краіны.
«На працягу бягучага года адбываецца суцэльная і паступовая замена курса айчыннай гісторыі з беларускамоўнага на рускамоўны. Прынцып тут дзейнічае просты: рускамоўная школа — рускамоўныя падручнікі. Такі падыход нас, настаўнікаў і выкладчыкаў гісторыі і мовы, незадавальняе. Гэта прывядзе да знішчэння беларускай культуры ў корані, у аснове.
Дзеці, якія толькі пачынаюць вывучаць гісторыю і знаёміцца з яе сакральным зместам, будуць атрымліваць гэтую інфармацыю не на роднай мове, хаця жывуць у суверэннай дзяржаве. Усе лозунгі па падтрымцы адоранай моладзі на фоне такой абыякавасці да роднай мовы выглядаюць прафанацыяй выхаваўчага працэсу. Пра якое выхаванне можна казаць, калі светапогляд асобы вучня фарміруецца ад пачатку на іншых моўных грунтах», — гаворыцца ў лісце да міністра адукацыі А.Радзькова.
Выкладчыкі і прадстаўнікі грамадскасці звяртаюць увагу міністра адукацыі на недахоп вучэбных дапаможнікаў на беларускай мове на раённым і абласным узроўнях і заклікаюць улады вярнуць выкладанне айчыннай гісторыі на мове тытульнай нацыі.
«Тыраж вучэбных кніг такі, што беларускамоўных кніг не хапае, каб рэалізаваць права выбару мовы навучання. Кніг проста няма…Неабходна вярнуцца да натуральнага стану рэчаў, калі ўласная айчынная гісторыя выкладаецца ў школе на мове тытульнай нацыі.
Заўважым, што без беларускамоўных кніг па гісторыі Беларусі ў нашых школах з рускай мовай навучання для вучняў беларускамоўнымі застаюцца толькі прадметы беларускай славеснасці. Набліжаецца летняя кампанія чарговага камплектавання школьных бібліятэк, і становішча патрабуе хуткага вырашэння дадзенай праблемы», — падкрэсліваецца ў лісце.
Цяпер чытаюць
Туск заявіў пра гатоўнасць адкрыць Баброўнікі і Кузніцу з лістапада31
Каментары