У Падзевiчах сёння жыве 70 чалавек, але колькасць насельнiцтва тут з кожным годам памяншаецца. Людзi старэюць, у iх нестае сiл апрацоўваць зямлю. Што ж рабiць з безгаспадарнымi палеткамi?
У СВК «Саўгас «Падзевiчы» вырашылi пасадзiць на гэтай кiнутай зямлi сад. Iдэя належыць кiраўнiку гаспадаркi Анатолю Драздову. Рабочыя саўгаса накапалi ў лесе «дзiчак» — яблынь i груш. I на ўчастку памерам больш за гектар пасадзiлi некалькi соцень дрэў.
А ў вёсцы Заполле жыве мясцовы «мiчурынец» Сяргей Мiнчук. Гэты малады вясковец яшчэ некалькi гадоў таму звярнуўся ў гаспадарку з просьбай аддаць яму зямлю, якая пуставала, непадалёк ад яго дома. I там на дзiва ўсёй вёсцы пасадзiў сад з тых жа самых «дзiчак», а потым паспяхова прывiў iх культурнымi гатункамi. Сяргей здымае ўраджай бананавых яблыкаў i аддае яго ў школу i дзiцячы садок на харчаванне дзяцей. Садавод‑аматар узяўся таксама зрабiць прышчэпкi i ў новым падзевiцкiм садзе.
Падзевiчы — гэта старое паселiшча, вядомае ў акрузе сваiм каменем‑помнікам.
У сельвыканкаме абяцаюць, што падзевiцкi сад — першы, але не апошнi ў акрузе. У вёсцы Дручаны таксама ёсць участкi зямлi, ад якiх з розных прычын адмовiлiся гаспадары. I каб вёска не зарастала пустазеллем, ёсць толькi два шляхi — засадзiць зямлю альбо лесам, альбо садам.
Цяпер чытаюць
Пакалечаная ў Дубаі ўкраінская мадэль сцвярджае, што адным з яе катаў быў 28-гадовы беларускі тэмшчык. Вось што пра яго вядома3
Каментары