10 чэрвеня ў Менску прайшла iнфармацыйная акцыя «Iнiцыятывы» ў падтрымку гістарычнай часткі Горадні. Каля трох дзясяткаў актывiстаў, апранутых у цiшоткi «Абаронiм старую Горадню!», раздалi мiнакам 5000 улётак.
10 чэрвеня ў Менску прайшла iнфармацыйная акцыя «Iнiцыятывы» ў падтрымку гістарычнай часткі Горадні. Каля трох дзясяткаў актывiстаў, апранутых у цiшоткi «Абаронiм старую Горадню!», раздалi мiнакам 5000 улётак, у якiх была таксама разьмешчаная форма звароту да прэзыдэнта, Адмiнiстрацыi прэзыдэнта, Палаты прадстаўнiкоў ды iншых дзяржструктураў з патрабаваньнем разабарацца ў незаконнай «рэканструкцыi» старой Гораднi.
Нагадаем, што гiстарычная частка аднаго з самых старажытных i прыгожых гарадоў Беларусi зараз знаходзiцца пад пагрозай барбарскага зьнiшчэньня. На месцы старых будынкаў плянуюць збудаваць офiсныя памяшканьнi для расейскага бiзнэсу ды тутэйшых прадпрымальнiкаў.
Улёткi раздавалі ў парках Горкага і Чалюскiнцаў, у сквэрах Мiцкевiча i Купалы, каля ўнiвэрмагу «Беларусь» i станцыi мэтро «Пушкiнская», а таксама на Нямiзе, Верхнiм горадзе, Камароўцы, Прывакзальным сквэры i на праспэкце Скарыны (Незалежнасцi). Паводле ўдзельнікаў акцыі, мінакі ахвотна разьбіралі ўлёткі. Часта людзі проста на месцы запаўнялі звароты ва ўладныя органы.
Цяпер чытаюць
Кіраўнік Ліды заклікаў сілавікоў не спыняць палітычныя рэпрэсіі2
Каментары