Сэнсацыяй сталася тое, што абодва «катарцы», Ібад Ахмедаў і Аляксандар Дуброўскі, пры праверцы аказаліся грамадзянамі Беларусі.
У панядзелак у гэтым яшчэ былі пэўныя сумневы. Рэч у тым, што Ахмедаў падарожнічаў з катарскім пашпартам і, паводле інфармацыі дарадцы пасольства Беларусі ў Расеі Івана Карэнды, у такім разе мусіў разглядацца як грамадзянін Катару, бо «беларускае заканадаўства не прадугледжвае двайнога грамадзянства». Аднак у аўторак прэс-сакратар Міністэрства замежных справаў Андрэй Савіных унёс яснасьць: Ібад Ахмедаў «зьяўляецца грамадзянінам Беларусі і яму будзе аказаная неабходная прававая і консульская дапамога. Ахмедаў застаецца грамадзянінам Беларусі да зьдзяйсьненьня працэдуры выхаду з грамадзянства, якой ён пакуль не рабіў». Катарскага пашпарта Ахмедава ў такой сытуацыі беларускае МЗС не прызнае і мае на гэта законныя падставы.
У аўторак зьявілася непацьверджаная інфармацыя, што Ібад Ахмедаў ужо вызвалены. МЗС Беларусі, аднак, нічога наконт гэтага паведаміць ня мог. Невядомым засталося і месца ўтрыманьня беларускага грамадзяніна ў Маскве. Магчыма, ён правёў колькі дзён на Лубянцы. У прэс-службе ФСБ Расеі карэспандэнту «НН» паведамілі, што «ў іх няма ніякай інфармацыі» пра затрыманьне ў Маскве беларускіх грамадзянаў. «А хто такі Ібад Ахмедаў?» — пацікавіўся супрацоўнік прэс-службы, нібыта не азнаёмлены з сытуацыяй.
Поўны варыянт артыкулу глядзіце ў газэце "Нашa Ніва".
Сяргей Ёрш
Цяпер чытаюць
Выпускніца з Баранавічаў набрала 400 балаў з 400 магчымых для паступлення2
Каментары