Спыненае расследаванне крымінальнай справы ў дачыненні да былога мэра Полацка Уладзіміра Тачылы, а таксама шэрагу службовых асобаў горада і раёна.Аб гэтым сёння журналістам паведаміў начальнік аддзела працэсуальнага кантролю за расследаваннем злачынстваў аб карупцыі і супраць інтарэсаў службы Галоўнага ўпраўлення працэсуальнага кантролю Следчага камітэта Беларусі Дзмітрый Вараб’ёў.
«Завершана расследаванне крымінальнай справы ў дачыненні да былога старшыні Полацкага гарвыканкама Тачыла, былога старшыні Полацкага раённага выканкама Палідаўца, а таксама яшчэ трох службовых асобаў. Ім было прад’яўлена абвінавачванне па ч.3 арт.424 і ч.2 арт.344 КК Беларусі. Яны абвінавачваліся у тым, што планавалі будаўніцтва прыватных дамоў у ландшафтнай зоне Полацкага сабора», — адзначыў Дзмітрый Вараб’ёў.
Ён распавёў, што абвінавачаныя цалкам сплацілі нанесеную шкоду, а таксама напісалі прашэнне аб вызваленні іх ад крымінальнай адказнасці і спынення расследавання на імя прэзідэнта Беларусі.Іх прашэнне было задаволена.
«Месячны плацеж пацягне на 340 рублёў». Што будзе ў Беларусі з мабільным інтэрнэтам?15
Каментары