Bialkievič sychodzić sa zbornaj
Paŭabaronca kijeŭskaha «Dynama» Valancin Bialkievič vyrašyŭ bolš nie vystupać za nacyjanalnuju zbornuju dy paprasiŭ hałoŭnaha trenera Anatola Bajdačnaha nie vyklikać jaho na kastryčnickija matčy adboračnaha turniru čempijanatu śvietu suprać Šatlandyi i Narvehii.
32-hadovy futbalist prakamentavaŭ rašeńnie ŭ interviju hazecie «Priessboł»: «Ja pryniaŭ rašeńnie, što ŭ nastupnym adboračnym raŭndzie vystupać za zbornuju nia budu. Kali jon pačniecca, mnie pojdzie 34-ty hod. Hady. A raz tak, nia baču nijakaha sensu ŭdzielničać u zaklučnych matčach za zbornuju ŭ hetym kvalifikacyjnym cykli, jakija ŭžo ničoha nie vyrašajuć. Pryjšoŭ čas sastupić darohu maładym».
Za nacyjanalnuju zbornuju Valancin Bialkievič pravioŭ 56 matčaŭ, zabiŭ 10 hałoŭ.
Kaciuhu dyskvalifikavali
15 vieraśnia dyscyplinarnaja kamisija Mižnarodnaha sajuzu kańkabiežcaŭ raspaŭsiudziła zajavu: u dopinh-probie biełaruski Anžaliki Kaciuhi padčas finału Kubku śvietu ŭ halandzkim Herenvenie byli znojdzieny zabaronienyja preparaty — testasteron i narandrasteron. Kaciuha dyskvalifikavana na dva hady: jana prapuścić Zimovuju alimpijadu ŭ Turynie i pazbaŭlena załatoha medala, zavajavanaha na dystancyi 500 m na Kubku śvietu pa kańkabiežnym sporcie. Spartoŭka abskardziła verdykt.
«Tarpeda-SKA»: viartańnie
Mienski futbolny klub «Tarpeda-SKA» daterminova, za piać turaŭ da finišu, zavajavaŭ pucioŭku ŭ pieršuju lihu biełaruskaha čempijanatu. U minułyja vychadnyja «aŭtazavodcy» pieramahli ŭ haściach «Paleśsie» z Mazyrskaha rajonu. Jašče letaś «Tarpeda» hulała ŭ vyšejšaj lizie ajčynnaha čempijanatu, ale praź jurydyčnyja i finansavyja ciažkaści musiła pačać sezon u druhoj lizie.
Skurany miač
Kamanda sa Stoŭpcaŭ pieramahła na ahulnanacyjanalnych spabornictvach siarod dziaciej i padletkaŭ «Skurany miač». Finalnyja spabornictvy prachodzili ŭ Voršy, na haradzkim stadyjonie. Druhoje miesca zaniała kamanda «Pryniomanski», treciaje — «Kryštal» (Miensk). Spabornictvy «Skurany miač» naradzilisia ŭ SSSR 40 hadoŭ tamu i karystalisia šalonaj papularnaściu.
AR; football.by, pressball.by.
Ciapier čytajuć
U Pieciarburhu zatrymali komika ź Pinska. Jon try hady chavaŭsia paśla prysudu za žart pra milicyjantku4
U Pieciarburhu zatrymali komika ź Pinska. Jon try hady chavaŭsia paśla prysudu za žart pra milicyjantku
«Ruki preč ad sasisačak!». U sacsietkach horača abmiarkoŭvajuć baraćbu Łukašenki z kavaj na zapraŭkach. Niekatoryja zaklikajuć dziejničać bolš žorstka1919
Kamientary