Try medali
Biełaruskija spartoŭcy viarnulisia z čempijanatu śvietu pa hreka-rymskaj baraćbie, što prajšoŭ u Budapešcie, z tryma medalami. Zołata zavajavaŭ Alim Sialimaŭ (vahavaja katehoryja 84 kh), dźvie «bronzy» — Siarhiej Arciuchin (120 kh) i Volha Chilko (63 kh).
Siarod piaskoŭ ehipieckaj ziamli
Biełaruskaja kamanda zaniała 12-je miesca na V etapie Kubku śvietu pa rali-rejdach u Kairy — «Rali faraonaŭ». Z 37 ekipažaŭ dystancyju (2,3 tys. km) pieraadoleli tolki 23, astatnija niezvarotna zhinuli ŭ piaskach. Pieramohu śviatkavaŭ sumiesny francuska-belhijski ekipaž, vuhorcy — druhija.
Ciapier u planach biełarusaŭ — udzieł u suśvietnym rali Paryž—Dakar, što startuje 31 śniežnia.
Chvarejem za biełarusaŭ
4 kastryčnika prajšło losavańnie hrupavoha turniru Kubku UEFA. Najcikaviejšaj vyhladaje hrupa «S», dzie poruč z berlinskaj «Hiertaj» i francuskim «Lansam» zhulajuć hienueskaja «Sampdoryja» z našym forvardam Vitalom Kutuzavym, bucharesckaja «Ściaŭa» hałkipera zbornaj Vasila Chamutoŭskaha, švedzki «Chalmstad» paŭabaroncy Dzianisa Saščeki.
Maskoŭski «Lakamatyŭ», kolery jakoha abaraniajuć Siarhiej Hurenka i Siarhiej Amieljančuk, u hrupie «V» pazmahajecca z katalunskim «Espańjołam», sycylijskim «Palerma», dackim «Brondbiu» i «Makabi» z Petach-Cikvy (Izrail).
«Dynama» (Bucharest) hałkipera Ŭładzimiera Hajeva ŭtvaryŭ kvintet «F» razam z «Marselem», «Cherenvenam», baŭharskim «Leŭskim» i ŭładalnikam Kubku UEFA-2005 maskoŭskim CSKA.
I narešcie, «Dniapro» (Dnieprapiatroŭsk), u jakim nie apošniuju skrypku hraje forvard moładzievaj zbornaj Siarhiej Karnilenka, budzie hulać u hrupie «D» ź niderlandzkim «AZ», anhielskim «Midłsbro», švajcarskim «Hraschoperam» i baŭharskim «Liteksam».
Nia naš dzień
Junackaja futbolnaja zbornaja Biełarusi (U-17) nia trapiła ŭ nastupny etap adboru da čempijanatu Eŭropy. Biełarusy abyšli słaviencaŭ, ale sastupili Halandyi i Danii.
AR, belta.by, gazeta.pl
Dziadok patłumačyŭ, čamu vyzvalili mienavita tych palitviaźniaŭ, kaho vyzvalili31
Kamientary