Prezentacyja teleprajektu MTV u Biełarusi prajšła bieź vialikaj pompy. U subotu 15 kastryčnika na vialikim ekranie na staličnym Kastryčnickim placy kanał upieršyniu vyjšaŭ u eter. Nasupierak abiacańniam, što viaščańnie budzie vieścisia pa-biełarusku, čułasia bałbatnia rasiejskamoŭnaha vi-džeja dy demanstravalisia rasiejskamoŭnyja zastaŭki.
Viaščańnie pačałosia klipam «Alaksandry i Kanstancina», zatym prahučali «Stoks», «Nieo» i «Sinica». Udzielniki apošnich dźviuch hrup admysłova pryjechali na płošču dy zdymalisia na fonie ekranu, na jakim tranślavalisia ich klipy. Pavodle słoŭ namieśnika hałoŭnaha redaktara biełaruskaha MTV Valika Hryška, kanał budzie padtrymlivać muzykaŭ, jakija śmieła eksperymentujuć i robiać cikavuju muzyku. Na pytańnie nakont ratacyi vykanaŭcaŭ z t.zv. «čornaha śpisu» Hryško nie adkazaŭ.
Pryčynaj taho, što na kanale pakul adsutničaje biełaruskaja mova, namieśnik redaktara nazvaŭ toje, što maŭleńnie vi-džejaŭ (Noče i Kaci) pakidaje žadać lepšaha. U teleetery kanał musić źjavicca ŭ listapadzie, ale na pačatku pracy kanału adsotak ułasnaha viaščańnia budzie mizernym: 30-sekundnaja prahrama «No content» (analah «No comments» na «Euronews»), pryśviečanaja klubnaj kultury Miensku.
Pastupova planujecca ŭstaŭlać u sietku viaščańnia «MTV u Rasiei» bloki navin i ahlady suśvietnych muzyčnych padziej. Buduć i biełaruskija klipy. Aproč taho, kiraŭnictva kanału jašče niekalki miesiacaŭ tamu abviaściła pra papiaredniuju damoŭlenaść z «MTV u Rasiei» na ekspart biełaruskich klipaŭ u rasiejskuju sietku viaščańnia. Najlepšy, pavodle vynikaŭ hałasavańnia, biełaruski klip kožnaha miesiaca ŭbačyć bolš jak 70-miljonnaja aŭdytoryja.
Ciapier čytajuć
Čaho čakaje Polšča ad Minska i ci zakryje znoŭ miažu na hetym tydni?26
Kamientary