Kultura1818

Siadzibu ŭ Padarosku vykupiŭ biełarus z Estonii za $120 tysiač

Rasijski biznesmien biełaruskaha pachodžańnia, jaki žyvie ŭ Talinie, choča adkryć u siadzibie muziej, hatel i karčmu.


Aŭkcyjon pa prodažu siadziby ŭ Padarosku narešcie adbyŭsia.

27 śniežnia siadziba Bochvicaŭ, jakaja znachodzicca na poŭdni Vaŭkavyskaha rajonu pry darozie z Brestu ŭ Hrodna, była pradadzienaja rasiejskamu biznesmienu Paŭłu Padkarytavu.
Pačatkovy košt aŭkcyjonu składaŭ 971,5 miljona rubloŭ (heta kala $113 tysiač).
U pratakole pieramožcy aŭkcyjonu paznačana suma 1,02 miljarda rubloŭ, heta kala $120 tysiač u ekvivalencie.
Ciapier biznesmien musić zaklučyć damovu z Vaŭkavyskim rajvykankamam i spłacić pakupnuju canu.

«Letaś była praviedzienaja novaja acenka, i siadzibu musili b vystavić na aŭkcyjon koštam bolš za $200 tysiač, — raskazvaje Padkarytaŭ. — Naŭrad ci ja pryniaŭ by ŭdzieł ŭ im u hetym vypadku». Potym, zhodna z prezidenckim ukazam, z ahulnaha cany byŭ vyklučany košt «zialonych nasadžeńniaŭ», i vynikovaja suma skłała kala $95 tysiač. Heta zdałosia «Hrodnavobłmajomaści» zamałym, tamu jany pavialičyli canu jašče amal na 20%. Choć pretendent na kuplu byŭ tolki adzin — Padkarytaŭ.

Płany novaha haspadara

Pavieł Padkarytaŭ — rasijski biznesmien, jaki ciapier žyvie ŭ Talinie.
Jon naradziŭsia ŭ 1968 hodzie ŭ Jekaciarynburhu, maje jurydyčnuju adukacyju. Padkarytaŭ byŭ akcyjanieram karparacyi «Uralinviestenierha».
Paśla niekalki sprobaŭ pieradziełu majomaści ŭ 2005 hodzie častka menedžeraŭ i akcyjanieraŭ kampanii, siarod jakich byŭ i Padkarytaŭ, byli aryštavanyja. Biznesmien vyjšaŭ na volu tolki ŭ 2010 hodzie.
Ciapier jon aktyŭna zajmajecca dabračynnymi prajektami.

Majučy pa babuli biełaruskija karani, jon, znachodziačysia ŭ SIZA, vyvučyŭ biełaruskuju movu, staŭ siabram TBM.

Pa jaho słovach, najpieršaje, što treba zrabić — heta adnavić siadzibu i park vakoł jaje, nakolki heta mahčyma ŭ aŭtentyčnym stanie. Padkarytaŭ kaža, što budzie imknucca zrabić tak, kab hetaje miesca było pryvabnym dla turystaŭ jak ź Biełarusi, tak i ź Jeŭropy i Rasii.

Jon maje płany zrabić «muziej siadzibnaha pobytu, a kali atrymajecca, taksama adkryć nievialiki hatel i, mahčyma, karčmu tradycyjnaj biełaruskaje kuchni».

Pažarnyja zamiest kałhaśnikaŭ

Siadziba Bochvicaŭ znachodzicca na samym poŭdni Vaŭkavyskaha rajona, na miažy Brestčyny i Hrodzienščyny. Padarožnik, jaki rušyć pa trasie R44 (asnoŭnaja pamiž Brestam i Hrodna), nie moža nie zaŭvažyć vieličny park i vysačeznuju bramu. Trochi dalej u parku staić i sama dvuchpaviarchovaja siadziba.

Jana pustuje ŭžo amal dziesiać hadoŭ, kali ź jaho vyjechała praŭleńnie miascovaha kałhasu. Ad poŭnaha zaniapadu histaryčny budynak ratuje tolki toje, što pobač znachodzicca post miascovych pažarnych.
Jany ŭpadabali sažałku pobač ź siadzibaj.

Svaim stvareńniem siadziba abaviazanaja rodu Bochvicaŭ.

U 1854 hodzie majontak u Padarosku nabyŭ syn viadomaha fiłosaafa Fłaryjana Bochvica, Raman. Jon i pierabudavaŭ siadzibny dom u styli poźniaha kłasicyzmu ŭ 1854—1856 hh.
Pry im byŭ pabudavany śpirtzavod, vadziany młyn (nie zachavaŭsia), suknavalnia (zachavaŭsia padmurak) i šmat inšaha.

Darečy, Vaŭkavyski rajon — lidar pa paśpiachovych prodažach zaniadbanaj histaryčnaj spadčyny. Niekalki hadoŭ tamu inšy rasijski biznesmien, Vadzim Sielichaŭ, nabyŭ za $105 tysiač siadzibu ŭ Kraskach. Pamiž jahonaj ułasnaściu i siadzibaj, jakuju ciapier naležyć Padkarytavu, usiaho kala piaci kiłamietraŭ.

Kamientary18

Ciapier čytajuć

Praź dzieviać miesiacaŭ paśla vyzvaleńnia pamior palitviazień Valeryj Bohdan7

Praź dzieviać miesiacaŭ paśla vyzvaleńnia pamior palitviazień Valeryj Bohdan

Usie naviny →
Usie naviny

Rabotniki MNS vyratavali na pažary sabaku i kata, a potym zrabili im štučnaje dychańnie

Vałancior «Viasny» Čapiuk raskazaŭ, jak jaho zatrymaŭ HUBAZiK adrazu na vychadzie z kałonii i jak dapytvali pra Mikołu Dziadka2

14-hadovaja Vika admoviła ŭ seksie — i heta stała pryčynaj panažoŭščyny, u jakoj zahinuli čaćviora padletkaŭ u Bajkalsku9

Na bietonnym zavodzie ŭ Homieli zahinuŭ kiroŭca cemientavoza

«Tydzień u Brazilii, dzie ciabie abrabujuć, abo dva tydni ŭ biaśpiečnaj Biełarusi». Pa što zamiežniki jeduć u našu krainu5

Ukraina atakavała technapark i zavod pa vytvorčaści bieśpiłotnikaŭ u Padmaskoŭi1

Biełaruś pieranosić vučeńni «Zachad-2025» z zachodnich miežaŭ uhłyb krainy18

U nazvach stancyj mietro na vychadach z padziemki źnikli niekatoryja litary1

Karł III u Kanadzie: Sapraŭdnaja Poŭnač mocnaja i svabodnaja1

bolš čytanych navin
bolš łajkanych navin

Praź dzieviać miesiacaŭ paśla vyzvaleńnia pamior palitviazień Valeryj Bohdan7

Praź dzieviać miesiacaŭ paśla vyzvaleńnia pamior palitviazień Valeryj Bohdan

Hałoŭnaje
Usie naviny →

Zaŭvaha:

 

 

 

 

Zakryć Paviedamić