Adobe raźbiła nadziei miljonaŭ na biaspłatny «Fatašop»
Biaspłatnyja fajły pryznačanyja dla tych, chto ŭžo kupiŭ licenziju.
Kali na sajcie bujnoha vytvorcy prahramnaha zabieśpiačeńnia dla pracy z hrafikaj Adobe u volnym dostupie źjaviŭsia šerah praduktaŭ z ukazanymi sieryjnymi numarami, heta pryniali nie mienš jak za cud na Kalady.
ŚMI i bujnyjainternet-forumy radasna padchapili navinu pra toje, što ciapier možna lehalna karystacca biaspłatnymi Photoshop CS2, Illustrator CS2, Premiere Pro 2.0 ci navat adrazu ŭsim pakunkam Creative Suit CS.
Nažal, radaść była karotkaj. Paśla šmatlikich skarhaŭ na forumach kampanii pra niemahčymaść narmalna ŭstalavać zahružany soft, pradstaŭnik Adobe Doŭ Ajzek rastłumačyŭ, što kampaniju «zrazumieli niapravilna».
Vykładzienyja dla zahruzki pradukty zusim nie biaspłatnyja — jany pryznačany dla tych, chto karystajecca prahramami Adobe sieryi CS2 i maje dziejnuju licenziju.Źjaŭleńnie prahram i sieryjnych numaroŭ u internecie źviazana z tym, što kampanija likvidavała sierviery aktyvacyi praduktaŭ CS2, jakija byli vydadzieny dastatkova daŭno i imi karystałasia nievialikaja kolkaść ludziej. Tamu, kab licenzijny pradukt Adobe CS2 praciahvaŭ pracavać, treba zahruzić fajły ź sierviera kampanii i vykanać instrukcyju pa ŭstalavańni.
Hetaja zajava raźbiła nadziei miljonaŭ amataraŭ «chalavy»,ale i pastaviła ŭsio na svaje miescy: biaspłatnaha «fatašopa» nie byvaje dy i naŭrad ci jon źjavicca ŭ chutkim časie. Napeŭna, karystalnikam treba było bolš skieptyčna pastavicca da fatašopu ŭ volnym dostupie:
niahledziačy na toje, što Adobe Creative Suit CS2 źjaviŭsia ŭ 2005 hodzie, pradukty hetaj liniejki i zaraz mohuć zadavolić absalutnuju bolšaść patrebaŭ u apracoŭcy hrafiki.Tamu navošta było b kuplać darahi CS6 (a cana tolki na adzin s samych papularnych u śviecie hrafičnych redaktaraŭ Photoshop pačynajecca ad 699 dalaraŭ ZŠA), kali možna absalutna «za tak» skačać Photoshop CS2?..
-
Kampanija OpenAI pryniała rašeńnie kančatkova adklučyć svaju papularnuju madel štučnaha intelektu ChatGPT-4o
-
Kaniec epochi całkam biaspłatnaha ŠI? U ChatGPT źjaŭlajecca rekłama, i voś jak jana budzie vyhladać
-
«Leha» abviaščaje revalucyju: prezientavanaja sistema, jakaja ažyŭlaje kubiki biez smartfonaŭ. Voś jak jana pracuje i kolki kaštuje
Kamientary