Irynie Chalip dazvolili źjeździć da muža. Iryna: Heta čarhovy etap handlu ź Jeŭropaj
Pra heta Irynie Chalip skazali 13 lutaha ŭ kryminalna-vykanaŭčaj inśpiekcyi Partyzanskaha RUUS, dzie jana staić na ŭliku. Irynie Chalip dazvolili vyjezd da 3 krasavika.Žoncy byłoha kandydata ŭ prezidenty Andreja Sańnikava Irynie Chalip dazvolili časovy vyjezd ź Biełarusi, kab naviedać muža ŭ Łondanie i redakcyju rasijskaj «Novoj haziety».
Pa słovach žurnalistki, dazvoł na vyjezd rychtavaŭsia ŭ śpiešcy. Sp. Iryna raskazała karespandentu «NN», što jašče ŭ paniadziełak, kali jana adznačałasia ŭ milicyi, joj ničoha nie paviedamili.Ale «kali ja daviedałasia, što pradstaŭnika Apieratyŭna-analityčnaha centra taki zaprasili na forum u Vienu, stała zrazumieła, što i maju prośbu na vyjezd zadavolać», — patłumačyła žurnalistka. Pa jaje nazirańniach, rašeńnie prymałasia ŭ śpiešcy. «Učora pad kaniec pracoŭnaha dnia patelefanavali i skazali, što treba chutka-chutka rychtavać papiery».
Akramia taho, u redakcyju «Novaj haziety» pryjšła telefanahrama ź biełaruskaj ambasady ŭ Maskvie. U joj paviedamlajecca, što prośba dazvolić Irynie Chalip prysutničać na redakcyjnych mierapryjemstvach zadavolenaja. «Heta pry tym, što redaktar Dźmitryj Murataŭ źviartaŭsia z takoj prośbaj da Łukašenki jašče ŭ kastryčniku minułaha hoda. Ale tady tuju prośbu prosta praihnaravali», — kaža žurnalistka.
Pa jaje słovach, dazvoł na spatkańnie z mužam i mahčymaść naviedać redakcyju ŭ Maskvie aznačaje, što biełaruskija ŭłady pačali čarhovy etap handlu ź Jeŭropaj.
Nahadajem, što 28 studzienia Iryna Chalip padčas naviedvańnia kryminalna-vykanaŭčaj inśpiekcyi Partyzanskaha RUUS Minska, dzie jana kožny tydzień pavinna adznačacca, pieradała zajavu z prośbaj dazvolić joj vyjezd za miežy Biełarusi.
Na zajavu žurnalistki, pavodle zakonu, ułady pavinny dać adkaz na praciahu 30 sutak.
***
Iryna Chalip u mai 2011 hoda była pryznana vinavataj va ŭdziele ŭ masavych biesparadkach paśla vybaraŭ 19 śniežnia 2010 i asudžana na dva hady pazbaŭleńnia voli z adterminoŭkaj vykanańnia pakarańnia na dva hady. Jana nie maje prava pakidać Minsk, abaviazana kožny tydzień adznačacca ŭ milicyi i być doma paśla 22.00. Adterminoŭka zakančvajecca 17 lipienia hetaha hoda, paśla čaho sprava Chalip budzie ŭ druhi raz razhledžana ŭ sudzie, jaki vyrašyć, vyzvalić jaje, nakiravać u kałoniju abo pakinuć u tym ža statusie jašče na niejki termin.
Ciapier čytajuć
Zorka brejkdansu ź Viciebska atrymaŭ 11 hadoŭ turmy ŭ Kitai. Što zdaryłasia?3
Kamientary