Deputat bundestaha adSacyjał-demakratyčnaj partyi Hiermanii Uta Capf, jakaja na praciahu niekalkich hadoŭ uznačalvała śpiecyjalnuju rabočuju hrupu Parłamienckaj asamblei ABSIE (PA ABSIE) pa Biełarusi, «poŭnaja piesimizmu» ŭ dačynieńni da biełaruskaj situacyi.
«Za tyja doŭhija hady, što ja jeździła ŭ Biełaruś, ja sustrakała tak šmat cudoŭnych ludziej, — raspaviała Capf u intervju Deutsche Welle. — Mnie da bolu škada, što jany vymušany žyć u takoj krainie, pad takim hniotam. Niaŭradavyja arhanizacyi padtrymlivajuć adna adnu, dapamahajuć palitźniavolenym, jakija sprabavali adstajać svaje hramadzianskija i palityčnyja pravy ci zmahalisia za svabodu presy».
Ale ni jany, ni mižnarodnyja struktury ničoha nie dabilisia, miarkuje Capf.«Naadvarot, situacyja takaja, što zastajecca tolki ŭpaści ŭ depresiju. Tamu mianie časam sapraŭdy achoplivaje adčaj ad taho, što my ničoha nie zmahli zrabić», — skazała niamiecki parłamientaryj.
Na pytańnie pra toje, jakaja taktyka Jeŭrasajuza ŭ dačynieńni da Minska była bolš efiektyŭnaj — palityka sankcyj abo palityka zbližeńnia praz dyjałoh, Uta Capf adkazała: «Na moj pohlad, ni toje, ni druhoje ničoha nie dało.Anhličanie zamiest vyrazu „bizun i piernik“ kažuć „pałka i morkva“. Zaraz u nas nie zastałosia ŭ zapasie sankcyj, tamu što sankcyi, jakija ŭdaryli b pa prostych biełarusach, dla nas nieprymalnyja. Ale i „morkvy“ ŭ Minsku nie chočuć».
Na dumku parłamientaryja, Hiermanija i ES rabili Biełarusi šmat «nadzvyčaj pryvabnych prapanoŭ». «Tut byli i dapamoha ŭ raźvićci infrastruktury, i pieradača
Svaim kaleham pa ABSIE, jakija ŭ dalejšym buduć pracavać ź Biełaruśsiu, Uta Capf dała b try samyja važnyja parady.
«Kali naohuł budzie mahčymaść pracavać ź biełarusami (a ŭ niekaha takaja mahčymaść jašče jość), to treba zabycca pra palityku, tut ničoha nie zrobiš. Varta ŭsie siły kinuć na sacyjalnyja i adukacyjnyja prajekty — tolki tak možna dapamahčy ludziam, palepšyć umovy ich žyćcia», — miarkuje Capf.
«Druhaja parada — nie treba čakać, što pieramovy z pradstaŭnikami ŭładaŭ pryviaduć da kankretnych vynikaŭ. Admaŭlacca ad dyjałohu nie treba, ale nie varta tracić namahańni na pošuki takich kantaktaŭ», — rekamienduje jana.
«I treciaja parada — stvarać u samoj Hiermanii mahčymaści dla taho, kab jak maha bolš ludziej ź Biełarusi mahli chacia b na paru miesiacaŭ pryjechać siudy: na vučobu, pracu ci ŭ adpačynak. Dumaju, heta dapamoža razburyć prymchi, jakija, mahčyma, jašče zachavalisia ŭ kahości ź biełarusaŭ», — miarkuje deputat bundestaha.
***
Uta Capf uznačalvała rabočuju hrupu pa Biełarusi z 2002 hoda.Hetu pasadu jana pakidaje ŭ suviazi z tym, što pryniała rašeńnie nie brać udzieł u vybarach u bundestah, jakija projduć hetaj vosieńniu. Zhodna sa statutam PA ABSIE, pracavać u asamblei mohuć tolki dziejnyja deputaty nacyjanalnych parłamientaŭ krain — udzielnic ABSIE.
Jak raniej paviedamlaŭ BiełaPAN, novy kiraŭnik rabočaj hrupy pa Biełarusi PA ABSIE moža być abrany na červieńskaj siesii asamblei.
Ciapier čytajuć
«Dali 3600 rubloŭ štrafu». Na biełarusku napisaŭ palityčny danos chłopiec, ź jakim jana chadziła na spatkańni i jakoha złaviła na zdradzie22
Kamientary