Vajenny złačynca Karadžyč niekalki miesiacaŭ chavaŭsia ŭ Biełarusi

Byłaja pamočnica hieneralnaha prakurora Mižnarodnaha vajennaha trybunału pa byłoj Juhasłavii ŭ Haazie śćviardžaje, što ZŠA i Rasieja zapiarečyli ŭ 1997 h. aryštu byłoha lidera baśnijskich serbaŭ Radavana Karadžyča. Karadžyč znachodziŭsia tady ŭ mižnarodnym vyšuku.

Flaran Chartman, jakaja ŭ 2000-2006 hadach była pamočnicaj hienprakurora Karły del Ponte, robić hetyja zajavy ŭ svaich memuarach,a apublikavanych u paniadziełak u Francyi.

U knizie «Mir i pakarańnie» (Florence Hartmann "Paix et chatiment") havorycca, što ŭ 1997 h. były prezydent Francyi Žak Šyrak mieŭ namier pravieści aperacyju na łaŭleńni Radavana Karadžyča, ale były prezydent ZŠA Bił Klintan, zaručyŭšysia padtrymkaj brytanskaha premjera Toni Błera i kanclera Niamieččyny Hielmuta Kola, pierakanaŭ Šyraka nie abvastrać hetaha pytańnia, u asnoŭnym z‑za piarečańniaŭ Rasiei.

Pavialičyć

Šyrak byŭ u toj čas razzłavany zachopam dvuch francuskich piłotaŭ, uziatych u zakładniki baśnijskimi sierbami ŭ 1995 h.

Bił Klintan śćviardžaŭ tady, što aperacyja pa aryšcie Karadžyča niemahčymaja biez taho, kab nie prainfarmavać Rasieju. Maskva piarečyła aryštu Karadžyča, i, u vypadku jaho zachopu, jon byŭ by adrazu papiaredžany.

Niehałosnyja damoŭlenaści

U knizie pryvodziacca słovy Žaka Šyraka — «Barys Jelcyn skazaŭ mnie , što Karadžyč viedaje vielmi šmat pra Miłošaviča. Jon papiaredziŭ mianie, što «vyviazie jaho samalotam z Bośnii ŭ vypadku nieabchodnaści, ale nikoli nie pahodzicca na jahony aryšt».

Pavialičyć

U svajoj knizie Flaran Chartman śćviardžaje, što ŭ listapadzie 1997 h., kali ŭ Bośnii, jakaja znachodziłasia pad kantrolem NATO, pavinny byli prajści vybary, rasiejski samalot terminova evakuavaŭ Karadžyča na niekalki miesiacaŭ u Biełaruś.

U 2000 h. Šyrak śćviardžaŭ, što supraćdziejańnie ZŠA aryštu Karadžyča ŭ Bośnii umacoŭvaje jaho upeŭnienaść u tym, što ŭ Vašynhtona jość niehałosnyja damoŭlenaści z byłym lideram bośnijskich sierbaŭ.

Były kamandujučy NATO Ueśli Kłark, u svaju čarhu zajaŭlaje, što Francyja zaklučyła tajnaje pahadnieńnie z Karadžyčam i jaho hienerałam Ratka Mładzičam, u adpaviednaści ź jakoj francuskija piłoty mahli być vyzvalenyja.

Mładzič i Karadžyč da hetaj pary znachodziacca ŭ vyšuku. Ułady ZŠA prapanoŭvajuć 5 młn. dalaraŭ za infarmacyju, jakaja moža pryvieści da ich łaŭleńnia.

Pavodle Ruskaj słužby Bi-Bi-Si

Zamović knihu Flaran Chartman možna, naprykład, na francuskim partale amazon.fr.

• 0
• 0
• 0
• 0
• 0
• 0
• 0
• 0